Almatyda 44 jastaǵy áıel 12-shi ret bala kóterip, dárigerlerdiń arqasynda alǵashqy sábıin qolyna aldy, dep habarlaıdy aqshamnews.kz.
Áıel Almatynyń №2 qalalyq perınataldyq ortalyǵyna júktiliktiń 15-shi aptasynda jetkizilgen.
Vedomstvonyń málimetinshe ol buǵan deıin 11 ret júkti bolyp, barlyq bala jatyrda shetinep ketken. Eki ekstrakorporaldy uryqtandyrý (EKO) da sátsiz aıaqtaldy. Bul onyń sońǵy múmkindigi bolǵan.
Biz konsılıým ótkizip, naýqasty gematologqa jiberdik. Ol buryn dıagnoz qoıylmaǵan antıfosfolıpıdtik sındromdy anyqtady. Ol júktiliktiń úzilýine sebep boldy. Biz asqynýlardyń aldyn alýǵa kómektesetin emdeýdi bastadyq, - dedi № 2 qalalyq perınataldyq ortalyqtyń dırektory Svetlana Rahımova.
Dárigerler áıeldi jeti ret tekserip, únemi baqylap, ishindegi balany aman alyp qalý úshin dári-dármegin bergen. Sonyń arqasynda áıel balasyn 34-shi aptasyna deıin aman-esen kóterip júrgen. 34-shi aptadan keıin áıeldiń qan qysymy kóbeıip, preeklampsıa bastalǵan soń, dárigerler áıeldi shuǵyl túrde bosandyrǵan. Kópten kútken, salmaǵy 2700 gram ul bala dúnıege keldi. Anasy men balasyn úıine shyǵardyq, qazir densaýlyqtary jaqsy.