Uryqtyń patologıasyn erte dıagnostıkalaý úshin bıyl júkti áıelderdiń 87%-y prenataldyq skrınıngten ótti, bul ótken jylǵy kórsetkishten 10%-ǵa joǵary.
Búgingi tańda júktilik boıynsha esepte 270 myńǵa jýyq áıel tur, onyń tek 61%- y usynylǵan erte merzimde-10 aptaǵa deıin emhanadaǵy óz ýchaskelerinde dárigerlerge júgindi, dep habarlaıdy aqshamnews.kz QR DSM-ge silteme jasap.
Prenataldyq skrınıng júrgizýdiń qoljetimdiligin jaqsartý jáne júkti áıelder úshin jaılylyq pen yńǵaılylyqty qamtamasyz etý úshin elimizdiń 10 óńirinde "Bir kúndik klınıka"jobasy iske asyrylyp jatqanyn esterińizge sala keteıik. Jobanyń sheńberinde júkti áıelder bir kúnniń ishinde tekserýden ótip, uryqtyń jaǵdaıy týraly tolyq aqparat ala alady.
Búgingi tańda elimizde bosandyrý salasynda 5 myńnan astam akýsher-gınekolog jáne 9 myńnan astam akýsher jumys isteıdi, olar jyl saıyn orta eseppen 400 myń júkti áıeldiń bosanýyn baqylaıdy jáne qabyldaıdy.
Aǵymdaǵy jyldyń qańtar-qyrkúıek aılary aralyǵynda respýblıkada 275 myńnan astam bala dúnıege keldi.