Medeý aýdanynyń ákimi Erkebulan Orazalın turǵyndardyń birneshe mekenjaıyna bardy, dep habarlaıdy Almaty-akshamy.kz.
Aralaý barysynda Observatorıa kóshesinde turatyn turǵyndardyń jaǵdaıy zertteldi. Sáýlet jáne qala qurylysy basqarmasynyń ókilderimen, polısıa basqarmasynyń qyzmetkerlerimen birge Almaty qalasynyń egjeı-tegjeıli josparlaý jobasyn ózgertý jáne jeke menshik úı qurylystaryn salýǵa SJT berý máseleleri talqylandy.
⠀
Sondaı-aq, aýdan ákimi Pýshkın-Qurmanǵazy meken-jaıynda turatyn turǵyndarmen kezdesti. Kezdesýge osy aýdanda bıznesi bar kásipkerler de qatysty. Olarmen tazalyq pen qoǵamdyq tártipti saqtaý boıynsha túsindirme áńgime júrgizildi. Buǵan deıin turǵyndar kásipkerlerdiń óz aýlalarynda qaldyrǵan qoqystaryna shaǵymdandy. Bıznesmenderge qoqys konteınerlerin ornatý tapsyrmasy berildi. Olar páter ıelerimen qoqys konteınerlerin ornatý orny týraly aldyn ala kelisýi tıis.
«Raksa» dúkeniniń jumysyna qatysty turǵyndardan kóptegen shaǵymdar kelip tústi, atap aıtqanda aýlanyń aýmaǵynda salynǵan garajdarǵa shaǵymdandy. Ǵımarattar zańsyz ekeni belgili boldy. Dúken ókilderimen osy zańsyz qurylystardy buzý týraly áńgime júrgizildi. Bul jumystar Medeý aýdany ákimdiginiń abattandyrý bólimimen birlesip júrgiziledi»,-delingen habarlamada.