Onyń 35-i esh jerde jarıalanbaǵan.
Bıyl Mádenıet jáne sport mınıstrligi 101 ádebı shyǵarmany basyp shyǵarýdy josparlap otyr, dep habarlaıdy Almaty-akshamy.kz
Bul týraly vedomstvonyń Arhıv isteri jáne qujattamany basqarý komıteti Baspa isi basqarmasynyń basshysy Almaz Myrzahmet aıtty.
«Saraptama komısıasy áýeli ádebı shyǵarmalaryn basyp shyǵarǵysy keletin azamattar men mekemelerdiń ótinimderin qarap shyǵady. Sosyn shyǵarmanyń mazmunyna nazar aýdaryp, qorytyndy jasaıdy. Eger shyǵarma sarapshynyń jaqsy baǵasyn alsa, ol komısıa sheshimimen basyp shyǵarylatyn ádebıetter tizimine engiziledi. Ótinimder jyl saıyn kórkem ádebıet, balalar men jasóspirimderge arnalǵan ádebıet, mádenıet jáne óner týraly ádebıet, ensıklopedıalyq-anyqtamalyq ádebıet, ǵylymı-kópshilik ádebıet, qoǵamdyq-saıası ádebıet, aýdarma ádebıeti, mereıtoılar men ataýly kúnderge arnalǵan ádebıet túrleri boıynsha qabyldanady», – dedi Almaz Myrzahmet.
Byltyr 188 shyǵarma 506 myń danamen shyǵyp, barlyq óńirdegi memlekettik kitaphanalarǵa taratyldy. Onyń ishinde «Jańa qazaq ádebıeti» serıasy boıynsha jaryqqa shyqqan kitaptar oqyrmannyń laıyqty baǵasyn aldy.