Túrkıada jer silkinisinen keıin jetimder sany ósti.
Naqty sany ázirge belgisiz. Biraq ata-anasyz qalǵan balalardy asyrap alýǵa ótinish bergender sany 300 myńǵa jýyqtap qaldy, dep habarlaıdy Almaty-akshamy.kz
Buny osy eldiń «Habertúrik» basylymy habarlap otyr. Onyń dereginshe, buryn mundaı aryz kúnine úsh adamnan ǵana túsetin. Qazir olardyń sany on esege taıaý ósken.
Túrkıa men Sırıada joıqyn zilzala aqpannyń 6-da bolyp, 47 myńnan astam adam qaza taýyp, talaı bala ata-anasynan aıryldy. Jáne de jer silkinisteri dúısenbide taǵy qaıtalanyp, odan da eki elde birneshe turǵyn mert bolǵan.
Taǵy bir aıta ketetin jaıt, Túrkıada úılerdiń qulaýyna baılanysty 564 kúdikti tutqyndalǵany belgili bolyp otyr.