Tótenshe jaǵdaılar vıse-mınıstri Baýyrjan Syzdyqov jańa zań jobasy aıasynda taýǵa shyqqan nemese ormandy jerlerge shyqqan týrıserge GPS treker berý tártibine túsinik berdi, dep habarlaıdy almaty-akshamy.kz.
Atap aıtqanda, búgin Májiliste azamattyq qorǵaýǵa qatysty zań jobasy tanystyryldy. Osy qujatta týrıserdiń, ekskýrsanttardyń, týrısik qyzmetti júzege asyratyn adamdardyń, elimiz aýmaǵynda turaqty turatyn azamattar men adamdardyń TJM aýmaqtyq organdaryn aldaǵy júrip-turý marshrýttary týraly habardar etýi jónindegi mindetterin engizý usynyldy.
Baýyrjan Syzdyqovtyń aıtýynsha, elimizge kelgen týrıser nemese Qazaqstan azamattary taýly jerlerde barǵan kezde, adasyp ketip jatady.
«Bul turǵyda atalǵan normalar zańǵa ense, týrısik mekemeler Tótenshe jaǵdaılar mınıstrliginiń aýmaqtyq bólimshelerine olardyń júretin joldary men baǵdary jaıynda aqparatty berýi kerek. Ekinshiden, zańǵa táýeldi erejeni qabyldamaqpyz. Sonyń aıasynda týrısik agenttikter adamdy taýǵa, ormandy jerlerge alyp shyqsa, GPS trekerlerdi týrıserge berýi kerek. Bul qurylǵy týrısiń kıimine nemese júgine bekitilýi tıis», - dedi vıse-mınıstr.
Onyń paıymynsha osyndaı talaptar adasyp ketken adamdardy tez tabýǵa múmkindik beredi.