Bıyl Halyqaralyq mýzeıler kúni "Mýzeıdiń turaqtylyǵy men órkendeýi" uranymen ótedi.
Ataýly kún qarsańynda Almaty qalasynyń Óńirlik komýnıkasıalar qyzmeti alańynda QR Ortalyq memlekettik mýzeıi men "Almaty qalasy mýzeıler birlestigi" ókilderi sóz sóıledi, dep habarlaıdy Almaty-akshamy.kz.
Almaty qalasynyń murajaılary jyl saıyn 18 mamyrda "Mýzeı túni" dástúrli aksıasyn ótkizedi. Máselen, quramyna 8 mýzeı kiretin "Almaty qalasy mýzeıler birlestiktiginde" (Almaty mýzeıi, Yqylas atyndaǵy halyq mýzykalyq aspaptar mýzeıi, D.A.Qonaev mýzeıi, N. Tilendıevtiń memorıaldy mýzeıi, S. Muqanov pen Ǵ. Músirepovtiń ádebı-memorıaldy mýzeı kesheni, A. Baıtursynulynyń mýzeı-úıi, Mýltımedıalyq dástúrli mýzyka ortalyǵy), "Tarıh. Tulǵa. Mýzeı" taqyrybynda aýqymdy mádenı-kóńil kóterý sharasyn ótkizýdi josparlar otyr.
"Mýzeıler Almaty qalasynyń rýhanı jáne mádenı ómiriniń ajyramas bóligi bolyp tabylady. Bizdiń murajaılarǵa kelýshiler artefaktilermen tanysyp, olardyń tarıhy men Almaty qalasynyń tarıhy týraly bilip qana qoımaı, túrli rýhanı-tarıhı jáne mádenı is-sharalarǵa qatysyp, oı-óristerin keńeıtedi. Osyndaı aksıalardyń biri "Mýzeı túni" aksıasy bolyp tabylady", - dedi «Almaty qalasy mýzeıler birlestigi» dırektorynyń damý jónindegi orynbasary Qaırat Tarbaev.
Máselen, Almaty mýzeıinde "Tiri Mýzeı" teatrlandyrylǵan qoıylymy uıymdastyrylady. Kelýshilerdiń nazaryna qola dáýirindegi áıel, qazaq batyrlary, sondaı-aq basqa da belgili, tarıhı tulǵalar usynylady. Sondaı-aq, belgili ártister Ǵazızhan Shekerbek, Kenjebek Janábilov, Erlan Baınazarov jáne «Tengri ethno music band» qatysatyn konserttik baǵdarlama uıymdastyrylady.
Sondaı-aq, is-shara baǵdarlamasynda:
- Yqylas atyndaǵy halyq mýzykalyq aspaptar mýzeıinde jáne Mýltımedıalyq dástýrli mýzyka ortalyǵynda QR dástýrli ánshileri Murat Ábýǵazy, Nurjan Janpeıisov, Ramazan Stamǵazıev, «Steppe Sons» modern etno-djaz toby, t.b. qatysýymen konserttik baǵdarlama ótedi. Mýzeıdiń ekspozısıalyq zaldarynda kelýshilerdi Qorkyt, Qurmanǵazy, Aqan seri, t.b. keıipkerler kútedi.
- D.A. Qonaev mýzeıinde, A. Baıtýrsynuly mýzeı-úıinde, N. Tilendıevtiń memorıaldy mýzeıinde, S. Muqanov pen F. Músirepovtiń ádebı-memorıaldy mýzeı kesheninde konserttik baǵdarlama, derekti fılmder kórsetilimi ótkiziledi.
Sondaı-aq, spıker atap ótkendeı qala mýzeılerinde takyryptyq ekskýrsıalar, ıntellektýaldyq kvest-oıyndar, sheberlik saǵattary uıymdastyrylady.
Aıta keteıik, bul aksıa 2006 jyly alǵash ret QR Ortalyq memlekettik mýzeıinde ótkizildi.
«Osydan týra 18 jyl buryn otandyq mýzeı keńistiginde alǵash ret erekshe iri oqıǵa oryn aldy - Qazaqstan Respýblıkasynyń Memlekettik ortalyq mýzeıi "Halyqaralyq mýzeıler kýni" kásibı merekesine arnalǵan "Mýzeı týni" áleýmettik mańyzy bar aksıasyn ótkizdi»,- óz kezeginde mýzeı dırektorynyń ǵylymı jumystar jónindegi orynbasary Ǵalıa Temirton aıtty.
Ortalyq mýzeıde is-sharanyń saltanatty ashylýy Z. Altynbaeva, Búrkit jáne Aısha, "Tengri" toby jáne t. b. ataqty juldyzdardyń qatysýymen ótedi.
Bul kúni mýzeıge kelýshiler "HHİ ǵasyrdyń kóshbasshylary men tanymal tulǵalary. Birlesken shyǵarmashylyq" kórmesiniń resmı ashylýyna qatysa alady, onda belgili mádenıet jáne óner qaıratkerlerimen birge kásibı sýretshilerdiń shyǵarmashylyǵy kórsetiledi.
Mýzeı baǵdarlamasynda bul kúni kelýshiler kelesi kórmelerdi kóre alady:
- mýzeı qorynan usynylǵan "Er jigittiń bes qarýy boıynda" qarý-jaraq kórmesiniń ashylýy.
- Qazaqstan sýretshiler pleneri qatysýshylarynyń "Ulttyq mura – Urpaqqa amanat "atty jumystarynyń tusaýkeseri.
- sýretshi, dızaıner Aıjan Ábdýbaıtovanyń "Zerleý" toptamasynyń etnokórsetilimi jáne t. b.
Bul kúni murajaı baǵdarlamasynda ınteraktıvti bilim berý baǵdarlamalary, teatrlandyrylǵan sabaqtar jáne balalarǵa arnalǵan ekskýrsıalar túrindegi kóptegen aksıalar men is-sharalar bar. Olardyń ishinde:
- "Arheolog ómirinen bir kún"- ınstallásıa-kvest.
- "Úsh taqyryp - úsh tarıh", "Úsh dinniń erekshe tarıhı muralary: Tora, Bıblıa, Quran"- mýzeılik sabaq/kórme.
- "Jeti qazyna", "Qazaqtyń áshekeı buıymdary", "Uly Jibek joly"- Balalar kovorkıng ortalyǵyndaǵy shyǵarmashylyq mýzeılik saǵattary.
- "Ushatyn keme" qoıylymy jáne t. b.
Almatylyqtar men qala qonaqtaryna kóptegen basqa kórmeler, sheberlik sabaqtary men ataqty juldyzdardyń qatysýymen ótetin saltanatty baǵdarlamalar usynylady.