Bıyl Almaty áýejaıy jolaýshylar aǵynyn 8 mln-ǵa deıin ulǵaıtýdy josparlap otyr. Sol sebepti áýejaı aýmaǵynda kezekter men keptelister bolýy múmkin, dep habarlaıdy almaty-akshamy.kz Almaty halyqaralyq áýejaıy korporatıvtik komýnıkasıalar departamentine silteme jasap.
Áýejaıdyń málimetinshe, týrıserdiń qajettilikterin qanaǵattandyrý úshin jazǵy demalys jáne kanıkýl ýaqytynda reısterdiń ulǵaıýyna baılanysty Almaty halyqaralyq áýejaıynda jolaýshylar men qala qonaqtarynyń kúrt ósýi baıqalady.
Búgingi tańda qoldanystaǵy áýejaı termınalynyń ótkizý qabileti jylyna 2,7 mln adamdy quraıdy. Sondaı-aq ótken jyly Almaty halyqaralyq áýejaıy 7,2 mln-nan astam jolaýshyny qabyldasa, bıyl jolaýshylar aǵynyn 8 mln deıin ulǵaıtýdy josparlap otyr.
«Osy kezeńde Almaty Halyqaralyq áýejaıynyń aýmaǵynda qosymsha kezekter men keptelister baıqalýy múmkin. Biz ótkizý qabileti 8 mln adamdy quraıtyn jáne qalamyzdyń turǵyndary men qonaqtaryna qajetti jaılylyq pen yńǵaılylyqty qamtamasyz etetin jańa Halyqaralyq jolaýshylar termınalynyń qurylysyn tezirek aıaqtaý úshin bar kúshimizdi salamyz», - dep habarlady áýejaıdyń korporatıvtik komýnıkasıalar departamenti.