WhatsApp-ta 40 kún boıy aýa temperatýrasy 50 gradýsqa deıin kóteriletini týraly aqparat tarady. Mundaı aýytqýshylyqtar ár 60 jyl saıyn bolyp turady eken.
Eń aldymen habarlamada qoldanylǵan termınologıaǵa nazar aýdarǵan jón. Onda «mysyq kúnderi» týraly jazylǵan. Meteorologıada da, klımatologıada da mundaı termın joq.
Sondaı-aq habarlamada naqty aýa temperatýrasynyń 50 gradýsqa deıin kóteriletini boljanyp otyrǵan aımaqtar kórsetilmegen. Bir ýaqytta Jerdiń barlyq kontınentinde mundaı jaǵdaıdyń oryn alýy ekitalaı. Mundaı kúmándi pikirler habarlamanyń feık ekendiginiń belgisi. Ýaqyt pen geografıalyq belgilerdiń bolmaýynan ony kez kelgen jerde jáne kez kelgen ýaqytta taratýǵa bolady.
Ár 60 jyl saıyn qaıtalanatyn 40 kún boıy bolatyn aptap ystyq týraly teorıaǵa keletin bolsaq, ony Jelide ońaı tekserýge bolady. Shyn máninde, aýa temperatýrasynyń kóterilýi turaqty ári alpys jyl saıyn oryn almaıdy. Sońǵy jyldary álemde rekordtyq joǵary temperatýra jıi tirkelýde. Máselen, 2022 jyly Eýropada ystyq boldy, al 2023 jyly temperatýranyń rekordty kórsetkishteri Azıa elderinde tirkelýde.
Munyń sebebi – Jerdegi klımattyń ózgerýi. Parnıktik gaz shyǵaryndylarynyń kóp bolýyna baılanysty planetamyzdyń betindegi temperatýra joǵarylaıdy.
Demek, taralǵan aqparat feık jáne oǵan senbegen jón.
