Qazaqstanda sýsyndar shyǵarýmen 47 kásiporyn aınalysady
Qazaqstanda 2022 jylǵy qańtar-jeltoqsanda sýsyn óndirisiniń kólemi aqshalaı mánde 764 063 mln teńgeni qurady, 2021 jyldyń sáıkes kezeńimen salystyrǵanda óndiris 11,2%-ǵa ósti, dep habarlaıdy Almaty-akshamy.kz Ulttyq statısıka búrosyna silteme jasap.
12 aıda 2,3 mlrd lıtr alkogólsiz sýsyn óndirilip, ótken jyldyń sáıkes kezeńimen salystyrǵanda 9,8%-ǵa ósti.
Mıneraldy jáne gazdalǵan sýlar boıynsha (tátti emes, hosh ıissiz) 656,8 mln lıtr shyǵaryldy, bul 2021 jyldyń 12 aıymen salystyrǵanda 1,7%-ǵa artyq.
Alkogól zaýyttary 12 aıda 64,9 mln lıtr araq shyǵardy, bul aldyńǵy jyldyń sáıkes kezeńimen salystyrǵanda eki ese kóp. Tabıǵı júzim sharaby óndirisi 33,5%-ǵa ósip, 31,1mln lıtrdi qurady. Syra óndirisi 717,5 mln lıtrdi qurady, bul 2021 jylmen salystyrǵanda 0,7%-ǵa az.
Qazaqstanda sýsyndar shyǵarýmen 47 kásiporyn aınalysady.