Oqýshylar men ustazdar evakýasıalandy
Almatyda T. Júrgenov atyndaǵy Qazaq ulttyq óner akademıasynyń janyndaǵy kolejine bir aptada úshinshi ret jarylǵysh zat qoıylǵany týraly habarlama tústi, dep habarlaıdy Almaty-akshamy.kz.
Almaty qalalyq polısıa departamenti málim etkendeı, qalanyń jedel jáne tótenshe jaǵdaılar qyzmetteri alǵashqy den qoıý sharalary aıasynda bilim mekemesine tekserý júrgizdi. Oqýshylar men ustazdar evakýasıalandy.
«Belgili bolǵandaı, kolej ǵımaratyn tekserý kezinde jarylys qurylǵylary tabylǵan joq. Bilim mekemesi shtattyq rejımde jumys istep tur»,- deıdi qalalyq Polısıa departamentiniń resmı ókili Saltanat Ázirbek.
Aıtýynsha, qazir polısıa bilim mekemesine jarylǵysh zat qoıylǵany týraly jalǵan aqparat taratqan adamdy anyqtap jatyr. Ol qylmystyq jaýapqa tartylady.