Jyl basynan beri Qazaqstanda 71 adam sýǵa batyp ketti. Onyń 23-i balalar. Bul týraly Óńirlik komýnıkasıalar qyzmetiniń alańynda ótken baspasóz máslıhaty barysynda Almaty qalasy TJD Azamattyq qorǵanys basqarmasynyń bastyǵy Ánýar Iýsýpov málimdedi, dep habarlaıdy QazAqparat tilshisi.
«Jyl basynan beri respýblıkanyń sý aıdyndarynda 71 adam sýǵa batyp ketti, onyń ishinde 23 bala bar. Shomylý maýsymynyń basynan beri 35 adam sýǵa ketti, onyń 17-si balalar»,- dedi Ánýar Iýsýpov.
Spıkerdiń sózinshe, Almaty qalasynda 44 sý aıdyny bar, olardyń 12-si shomylýǵa qaýipti.
«Sýdaǵy jazataıym oqıǵalardyń aldyn alý maqsatynda reıdtik is-sharalar júrgizýde. Búgingi tańda 100-den astam reıd júrgizilip, 1600-den astam jadynama taratyldy. Reıdterge eskertý mashınasy men ushatyn dron tartylady. Bul dronnyń biregeıligi-ol tek jaǵdaıdy baqylap qana qoımaıdy, sonymen qatar tyıym salynǵan jerlerde shomylǵysy keletinderdi eskertý úshin daýys zoraıtqyshty qoldana alady»,- dedi ol.
Sýdy paıdalaný erejelerin buzǵany úshin QR ÁQBtK-niń 364-baby boıynsha 12 adam ákimshilik jaýapqa tartyldy.