Jazǵy demalys pen sýǵa shomylý maýsymy bastalysymen sý aıdyndaryndaǵy demalys ýaqytynda qaýip arta túsedi.
Ásirese balalarǵa tónetin qaýip kóp, soǵan baılanysty qutqarý qyzmetteri kúndelikti reıd júrgizedi. Almaty qalasynyń óńirlik komýnıkasıalar qyzmetiniń alańynda qala TJD ókilderi men qalalyq qutqarý qyzmetteriniń qyzmetkerleri turǵyndarǵa sýdyń janynda qaýipsiz ýaqyt ótkizý erejelerin eske saldy, dep habarlaıdy Almaty-akshamy.kz.
TJD málimeti boıynsha, megapolıste 44 sý aıdyny bar – olar túrli ózender men kólder, aryqtar men toǵandar. Olardyń 12-si sýǵa shomylý maýsymynda qaýipti.
«Profılaktıkalyq jumystyń nátıjesinde 2022 jyldan bastap búgingi kúnge deıin sý aıdyndarynda adam ólimine jol berilmedi. 18 adam qutqaryldy, olardyń ishinde jeti bala bar», - dedi Almaty qalasy TJD Azamattyq qorǵanys basqarmasynyń bastyǵy Ánýar Iýsýpov.
Departament sýdaǵy jazataıym oqıǵalardy boldyrmaý maqsatynda polısıa qyzmetkerlerin, áskerı qyzmetshilerdi, qutqarý qyzmeti men respýblıkalyq jedel qutqarý jasaǵy qutqarýshylaryn, sondaı-aq eriktilerdi tarta otyryp, reıdtik is-sharalar ótkizedi.
Qaýipsizdik erejeleri týraly «Áýejaı» sý-qutqarý stansıasynda Kishi Almaty kólinde kezekshilik etetin QR TJM Respýblıkalyq jedel-qutqarý jasaǵynyń bas qutqarýshysy Rınat Faızýlın eske saldy.
«Men jaz kezinde ata-analar, oqytýshylar men tárbıeshiler bilýi kerek negizgi erejelerge nazar aýdarǵym keledi. Balalardyń sýǵa batýynyń eń negizgi sebepteri - balalardy sý aıdyndarynyń janynda qaraýsyz qaldyrý. Balalardyń jabdyqtalmaǵan jerlerde, taý ózenderinde sýǵa túsýi – bul úlken qaýip. Sebebi, balalar selfıge túsý úshin taıǵaq tastarǵa shyǵady, sodan aıaqtary taıyp qulap, ata-anasy jaqyn jerde bolsa da, basymen sýǵa qulaýy múmkin», - dedi spıker.
Sonymen qatar, ol eshqandaı jaǵdaıda sý aıdyndarynyń janynda jabdyqtalǵan belgilerdi elemeýge bolmaıtynyn atap ótti. Osylaısha, tyıym salý belgileri ornatylǵan shomylý oryndarynda motorly qaıyqtarda, gıdrosıklderde júzýge, sondaı-aq tik jartastardan, qaıyqtardan, katamarandardan jáne t. b. sekirýge bolmaıdy.
«Sondaı-aq, balalar sýǵa shomylyp júrgende oınap júrip, árirek júzip ketkenderin baıqamaı, tereńdeý jaǵyna ketip qalyp, sýǵa tunshyǵyp qalýy múmkin. Sondaı-aq, úıde qoldan jasalǵan úrlemeli quraldarda, avtokólik dóńgeleginiń kameralarynda júzýge tyıym salynady. Bizdiń jasaq profılaktıkalyq is-sharalar, taý ózenderi boıynsha reıdter ótkizedi, onda biz sý mańynda qalaı júrý kerektigi jóninde erejeleri kórsetilgen arnaıy jadynamalardy ata-analarǵa taratamyz. Sondaı - aq bizde Áýejaı mańyndaǵy kólde táýlik boıy kezekshilik júzege asyrylady, onda da eskertý jáne tyıym salý belgileri de ornatylǵan», - dep bólisti ol.
Qorytyndylaı kele, qutqarýshylar ata-analardy balalardy eresekterdiń qaraýynsyz jalǵyz qaldyrmaýǵa, sondaı-aq aldyn alý sharalary retinde olarǵa sýǵa túsý erejeleri týraly aıtýǵa shaqyrdy.