Aqordanyń baspasóz qyzmeti Telegram kanalynda Qazaqstan men Germanıa arasynda qol qoıylǵan qujattar tizimin jarıalady.
Germanıanyń Federaldy Prezıdentiniń Qazaqstanǵa memlekettik sapary barysynda mynadaı qujattarǵa qol qoıyldy, dep habarlaıdy Almaty-akshamy.kz.
1. Qazaqstan Respýblıkasynyń Ǵylym jáne joǵary bilim mınıstrligi men Germanıa Federatıvtik Respýblıkasynyń Federaldyq Syrtqy ister mınıstrligi arasyndaǵy yntymaqtastyq týraly memorandým;
2. Qazaqstan Respýblıkasynyń Ulttyq ekonomıka mınıstrligi men Germanıa Federatıvtik Respýblıkasynyń Federaldyq ekonomıka jáne klımat mınıstrligi arasyndaǵy Qazaqstannan kásiporyndar basshylarynyń biliktiligin arttyrý jónindegi yntymaqtastyq jónindegi nıetter týraly birlesken málimdeme;
3. Ulttyq geologıalyq qyzmet pen federaldyq geologıalyq ǵylymdar jáne tabıǵı resýrstar ınstıtýty arasyndaǵy yntymaqtastyq týraly memorandým;
4. Jambyl oblysy ákimdigi men «Knaýf Gıps Taraz» JSHS arasynda gıpsokarton paraqtary men qurǵaq qurylys qospalaryn óndiretin zaýyt salý jónindegi jobany iske asyrý týraly kelisim;
5. Qazaq-nemis turaqty ınjenerıa ınstıtýtyn qurý týraly kelisim;
6. «Qazaqstan Temir Joly» UK» AQ men «Rhenus SE & Co.KG» arasyndaǵy ózara túsinistik týraly memorandým;
7. «DV Engineering & Consulting GmbH» jáne «Qazaqstan Temir Joly» UK» AQ arasyndaǵy jolaýshylar tasymaly jáne kólik-logıstıka salasyndaǵy áriptestikti damytý týraly kelisim;
8. «Siemens» tehnologıasy boıynsha QR energetıka salasy úshin kerneýdiń orta klasty taratý qurylǵylarynyń óndirisin oqshaýlaý týraly shart;
9. Sırek jer metaldar qazbalaryna geologıalyq barlaý jáne olardy qaıta óńdeý jónindegi birlesken qyzmet týraly kelisim.