Almatynyń tamyz samıtine 2500-den astam bilim berý salasynyń qyzmetkerleri qatysty
Almatyda jańa oqý jylynyń bastalýyna oraılastyrylǵan «Digital Kazakhstan: jańa zamandaǵy bilim berý» atty pedagogterdiń tamyz samıti ótti, dep habarlaıdy aqshamnews.kz
Samıtke 2500-den astam bilim berý qyzmetkerleri, qazaqstandyq jáne halyqaralyq sarapshylar, onyń ishinde Qazaqstan Parlamenti Májilisiniń Áleýmettik-mádenı damý komıtetiniń tóraǵasy Asqat Aımaǵambetov, Qazaqstan Parlamenti Senatynyń depýtaty Nurıa Nıazova qatysty. İs-sharaǵa ál-Farabı atyndaǵy QazUÝ rektory Janseıit Túımebaev, Qazaq ulttyq qyzdar pedagogıkalyq ýnıversıtetiniń rektory Gúlmıra Qanaı, Bilim mınıstrligi Bilim salasyndaǵy sapany qamtamasyz etý komıteti tóraǵasynyń orynbasary Maıra Meldebekova, Abaı atyndaǵy Qazaq ulttyq pedagogıkalyq ýnıversıtetiniń birinshi prorektory Baný Narbekova qatysty. Elimizde tanymal ustaz, Qazaqstannyń eńbek sińirgen qaıratkeri, «Qazaqstannyń Eńbek Eri», «Otan» ordeniniń ıegeri Aıagúl Mırazova arnaıy qonaq boldy.
Almaty ákimi Erbolat Dosaev samıtke qatysýshylar men qonaqtarǵa amandasyp, pedagogtardy kele jatqan jańa oqý jylymen quttyqtady.
«Bıylǵy samıt baǵdarlamasy zamanaýı sıfrlyq quraldar men jasandy ıntellektti bilim berý úderisine biriktirýge baǵyttalǵan. Bul ıntegrasıa bilim alý men oqý sapasyn jaqsartýǵa jańa jol ashady. Almatyda birqatar joba júzege asyrylyp jatyr, onda sıfrlyq sheshimder bizdiń balalarymyz úshin bilim berý sapasyn arttyrady, ózgertedi. Mysaly, Kitap.kz, TopIQ.kz, «AlmatyKids.kz» pılottyq rejımde jańa jobalar sátti júzege asyp, jasandy ıntellekt negizinde vırtýaldy repetıtordy engizý kózdelgen. Biz qala mektepteriniń ınfraqurylymyn jańǵyrtýǵa jáne damytýǵa kóp kóńil bólemiz. Bıyl olar úshin tájirıbelik jáne teorıalyq esepterdi shyǵarý úshin ınteraktıvti mazmuny bar 168 jańa modıfıkasıa kabıneti satyp alyndy. Bul mektepterdi 85% zamanaýı pándik kabınettermen jabdyqtaýǵa qol jetkizýge múmkindik berdi», - dedi qala basshysy.
Samıt barysynda plenarlyq otyrys ótip, pedagogterdiń biliktiligin arttyrý, bilim berý úderisine ınovasıalardy engizý máselesi talqylanyp, bilim berý salasyn damytýdyń jańa vektorlary aıqyndaldy. Otyrysqa Bilim berý salasyndaǵy sıfrlyq tehnologıalar salasyndaǵy jetekshi sarapshylar qatysty. Atap aıtsqa, Times Publishing Limited Mr Peng Yim Siew (Sıngapýr) bas atqarýshy dırektory, Bilim Media Group kompanıasynyń negizin qalaýshy ári bas dırektory Raýan Kenjehanuly, nFactorialGroup negizin qalaýshy jáne bas dırektory Arman Súleımenov, Temasek Mr polıtehnıkalyq ınstıtýtynyń bas dırektory AW Tuan Kee (Sıngapýr), Business growth sarapshy, Techwoman baǵdarlamasynyń jetekshisi, Most Business Intelligence bas dırektory Elmıra Obrı, «A’lem» pedagogıkalyq ınovasıalar ortalyǵynyń» bas dırektory Órisbaı Nursultan bar. Spıkerler bilim berý salasyndaǵy tájirıbelermen jáne ınovasıalarmen bólisti.
Sondaı-aq tamyz samıtinde bilim berýdi sıfrlandyrý jáne sıfrlyq ınovasıa salasyndaǵy memlekettik saıasat máselesi, balalar men pedagogtardyń kıberqaýipsizdigi máselesi, onyń ishinde etıkalyq aspektiler talqylandy.
İs-shara sońynda qala pedagogterine bilim berýdi damytýǵa qosqan úlesi úshin marapattar tabystaldy.
«Almatyda muǵalimder úshin biregeı jaǵdaı jasalyp jatyr, álemniń jetekshi elderine taǵylymdamalar uıymdastyrylyp otyr, bıyl 70 almatylyq pedagog Sıngapýrǵa barady. Qazir mektepterdiń qural-jabdyǵy jaqsy. Qala basshylyǵynyń bizdiń mamandyqqa nazar aýdarýy úlken mártebe. Men úshin bul marapat – eńbegimdi moıyndaý jáne oqýshylar men ata-analar rıza bolýy úshin oqý úderisin jetildirýge degen talpynys», - dedi «Y. Altynsarın» tósbelgisimen marapattalǵan №106 jalpy bilim beretin mekteptiń ınformatıka pániniń muǵalimi Nellá Golıkova,
Aıta keteıik, qala ákimi Erbolat Dosaevtyń bastamasymen jańa oqý jylynyń basynan bastap Almaty qalasynyń memlekettik mektepteriniń muǵalimi úshin jasandy ıntellekt salasynda veb-ázirleýshilerdi daıarlaýdyń 12 aptalyq arnaıy baǵdarlamasyn iske qosý josparlanǵan. Árbir mektep komandasy generatıvti jasandy ıntellekt múmkindikterin paıdalana otyryp, óziniń veb-qosymshasyn jasap, iske qosady. Sonymen qatar, sıfrlyq oqytý men aqparattyq tehnologıalardyń mańyzdy aspektilerin qamtıtyn İT pánderi boıynsha 100 mekteptiń muǵalimderine arnalǵan oqytý baǵdarlamasy bastalady.