Almatyda atom elektr stansıasynyń qurylysyn jarıa talqylaý ótti. Qazaqstanda AES salý boıynsha qoǵamdyq talqylaý barysynda saıasattanýshy Marat Shıbýtov atom elektr stansıasyn salý týraly sheshimdi neǵurlym uzaq keshiktirsek, soǵurlym bul bizdiń bolashaǵymyzǵa áser etetinin atap ótti.
"Men 2007-2008 jyldary Aqtaýda WB300 reaktorlarymen Mańǵystaý oblysynda AES jobasyn alǵashqylardyń biri bolyp usynǵanmyn. Sondyqtan men bul taqyryppen burynnan tanyspyn. Biz kópshiliktiń qysymymen kóptegen túrli sheshimder qabyldadyq, alaıda qalypty nátıjeniń ornyna daǵdarystarǵa tap boldyq. Mysaly, 2018 jyly sol kezdegi Bas prokýrordyń basshylyǵymen energetıka sektoryna aýqymdy tekserý júrgizilip, "Tarıf ınvestısıa ornyna" baǵdarlamasy buzyldy. Osynyń saldarynan 2022 jáne 2023 jyldary Qazaqstanda alyp energetıkalyq daǵdarysqa alyp keldi. 2018 jyly atom elektr stansıasyna qarsy shyqqandar tarıfterdi tómendetkenderin aıtty, biraq nátıjesinde Rıdder men Ekibastuz jabyldy. Mundaı popýlısik sheshimder úlken problemalarǵa ákeledi. Atom elektr stansıasyn salý týraly sheshimdi neǵurlym uzaq keshiktirsek, soǵurlym bul bizdiń bolashaǵymyzǵa áser etedi», - dedi Marat Shıbýtov.