Almatyda Qazaqstanda AES salý máselesi boıynsha 19-shy jarıa talqylaý ótti. Talqylaýǵa atom salasynyń sarapshylary, memlekettik organdardyń jáne azamattyq sektordyń ókilderi qatysty.
Aınur Begimbetova, Energetıka jáne jasyl tehnologıalar ınstıtýtynyń dırektory:
"Men óz sózimdi, álemniń klımattanýshylarynyń klımattyń ózgrerýine qatysty aıtqan tendensıadan bastaǵym keledi. Qazaqstannyń ǵalymdary sońǵy 10 jylda ortasha jyldyq temperatýra 2016 jylmen salystyrǵanda shamamen 7% - ǵa artqanyn aıtýda. Bul klımattyń tym qysqa merzimde, bir urpaqtyń kóz aldynda ózgeretinin bildiredi. Biz qazirdiń ózinde klımattyq kún tártibinde belgilengen normalardan asyp otyrmyz.
Turaqty damý maqsattarynyń biri bolyp tabylatyn osy ózgeristermen tıimdi kúresý úshin atom elektr stansıalaryn salý qajet. Atom generasıasy tómen kómirtekti energıa kózi ekendigi qazirdiń ózinde dáleldengen. Atom energetıkasyn damytý bizge turaqty damýdyń birneshe maqsattaryna jetýge kómektesedi. Birinshiden, bul taza energıaǵa qol jetkizýge múmkindik beredi. Ekinshiden, bul klımattyń ózgerýine qarsy kúres»