Bul maqsatta 86,7 mlrd teńge bólindi.
2023 jyly Artsport baǵdarlamasy boıynsha 560 myńnan astam bala úıirmelerge tegin qatysady, dep habarlaıdy Almaty-akshamy.kz
Mádenıet jáne sport mınıstri Asqat Oralov vedomstvonyń alqa otyrysynda balalardyń sportpen, dene shynyqtyrýmen turaqty shuǵyldanýyna jiti nazar aýdarylatynyn atap ótti.
Bul rette, memlekettik sporttyq jáne shyǵarmashylyq tapsyrys boıynsha jumystar jalǵasyn tabady.
«Memlekettik sporttyq jáne shyǵarmashylyq tapsyrysty jalǵastyrý maqsatynda 2023 jyly 560 myńnan astam bala men jasóspirimdi qamtý úshin jergilikti atqarýshy organdardan 86,7 mlrd teńge bólindi», – dedi mınıstr.
Bıyl 4 jastan 17 jasqa deıingi 400 myńnan astam bala men jasóspirim 13 myń sport seksıasy men shyǵarmashylyq úıirmelerge tegin barýǵa múmkindik aldy.