Bıyl 4 myńnan astam adam soltústik óńirlerge qonys aýdardy. Bul jaıynda Premer-Mınıstr Álıhan Smaıylov málimdedi, dep habarlaıdy Almaty-akshamy.kz QazAqparat-qa silteme jasap.
«Memleket basshysynyń tapsyrmasyna sáıkes ótken jyly Kóshi-qon saıasatynyń 2023-2027 jyldarǵa arnalǵan jańa tujyrymdamasy (budan ári – tujyrymdama) qabyldandy. Tujyrymdamanyń bir baǵyty – bul qonys aýdarý baǵdarlamalaryn qaıta qaraý esebinen jumys kúshi artyq jáne jumys kúshi tapshy óńirler arasyndaǵy demografıalyq teńgerimsizdikti teńestirý úshin qazaqstandyqtardyń ishki utqyrlyǵyn yntalandyrý», - dedi Úkimet basshysy Senat depýtattarynyń saýalyna jaýap bere otyryp.
Onyń atap ótýinshe, qazir erikti túrde qonys aýdarý baǵdarlamasy aıasynda birqatar is-shara júzege asyrylyp jatyr.
«Máselen, 2023 jyly 8 652 adamdy kóshirý josparlanyp, osy jyldyń 1 shildesindegi jaǵdaı boıynsha 4 140 adam nemese jyldyq jospardyń 48 paıyzy (qandastar 1 032 adam jáne qonys aýdarýshylar 3 108 adam) soltústik óńirlerge qonys aýdardy», - dedi Álıhan Smaıylov.