Denedegi sýdyń jetispeýshiligin boldyrmaý úshin sý ishý tártibin durys uıymdastyrý jáne saqtaý mańyzdy.
Mamandardyń pikirinshe kún saıyn jetkilikti mólsherde sý tutyný aǵzanyń barlyq fýnksıalaryn, sonyń ishinde as qorytý men metabolızmdi, qaldyqtardy joıý úshin qajet, dep habarlaıdy Almaty-akshamy.kz Elorda.info-ǵa silteme jasap.
Dene qyzýyn qalypty ustap turýdy jáne aǵza men tinderdiń densaýlyǵyn saqtaý qajet.
Aǵzadaǵy sýdyń jetispeýshiligin boldyrmaý úshin eresekterge de, balalarǵa da sý ishý tártibin durys uıymdastyrý jáne saqtaý mańyzdy.
Qorshaǵan orta temperatýrasynyń joǵarylaýy kezindegi suıyqtyqtar men sýsyndardyń usynylatyn tizimi:
- salqyn, taza sý (qaınatylǵan nemese bótelkedegi) – shóldi qandyrý úshin eń jaqsy tańdaý, sýǵa lımon, qıar tilimderin nemese muz tekshelerin qosýǵa bolady;
- jasyl shaı da qantsyz nemese tuzsyz dám beretin qarapaıym sýǵa dámdi, sergitetin qosymsha bolyp tabylady;
- aqýyzǵa, kómirsýlarǵa, kálsıge jáne elektrolıtterge baı sút jáne sút ónimderi dene belsendi bolǵanda nemese terlegen kezde joǵalǵan natrııdiń ornyn toltyrýǵa kómektesedi;
- jasyl kókónisti (qyryqqabat, shpınat, baldyrkók) nemese qaýyn, qarbyz jáne qıar sıaqty sý negizindegi jemister men kókónister qosylǵan jańa syǵylǵan shyryndar men smýzıler deneni ylǵaldandyra otyryp, paıdaly zattarmen qamtamasyz etedi;
Ystyqta tutynylatyn suıyqtyqtyń temperatýrasyn baqylaý mańyzdy, ol bólme temperatýrasynda bolǵany abzal.
Qantty gazdalǵan, energetıkalyq jáne alkogóldi sýsyndardan aýlaq bolýǵa tyrysyńyz.
Sapasyz sý men sýsyndardy ishý tamaqtan ýlanýdy jáne jedel ishek ınfeksıasy, dızenterıa, A vırýstyq gepatıti jáne basqa da juqpaly aýrýlardy týdyrýy múmkin ekenin este saqtaý kerek. Sonymen qatar, qantty gazdalǵan sýsyndar men energetıkalyq sýsyndardy kóp tutyný semizdik, qant dıabeti jáne júrek-qan tamyrlary aýrýlarynyń qaýpiniń joǵarylaýyna ákep soqtyrýy yqtımal.