Qazaqstandyq qyz-kelinshekterdiń ortasha jasy – 33,7 jas.
Halyqaralyq áıelder kúni qarsańynda Ulttyq statısıkalyq búrosy Qazaqstandaǵy áıelderge qatysty statısıka usynady, dep habarlaıdy Zakon.kz.
2023 jylǵy 1 aqpandaǵy sońǵy málimetter boıynsha, elimizde 10 118 282 áıel turady, onyń 6,3 mln-y qalalyq jerde, 3,7 mln-y aýyldy jerlerde turady.
Óńirler bólinisinde áıelderdiń sany boıynsha Almaty qalasy (1 157 823), Túrkistan (1 040 069) jáne Almaty oblystary (753 562) kósh bastap tur.
Qazaqstandyq qyz-kelinshekterdiń ortasha jasy – 33,7 jas.
Statıserdiń málimdeýinshe, kórsetkish 2022 jyldyń basymen salystyrǵanda 2,6 jylǵa ulǵaıǵan. Áıelderdiń ómir súrý uzaqtyǵy karantın bolǵan 2020-2021 jyldardan keıin qaıtadan óse bastap, 78,3 jas boldy.
"Eńbek naryǵynda 4 302,6 myń áıel jumyspen qamtylǵan. Olardyń basym kópshiligi bilim berý salasynda eńbektenedi – 851 myń, taǵy 828 myńy kóterme nemese bólshek saýdamen aınalysady, 451 myńy aýyl, orman jáne balyq sharýashylyǵy salasynda. 401 myń áıel densaýlyq saqtaý jáne halyqqa áleýmettik qyzmet kórsetý salasynda, taǵy 328 myńy ónerkásip sektorynda jumys isteıdi. Tek 74 myń áıel óner, oıyn-saýyq jáne demalys salasynda jumys isteıdi", delingen Ulttyq statısıka búrosy taratqan aqparatta.
Aıta keteıik, 849 myń áıel jeke kásipkerlik sýbektileriniń basshysy bolyp keledi, bul tirkelgen JK-niń jalpy sanynyń 53,5%-yna teń.