Qazaqstan aýmaǵynda karantındik obektilerdi ákelýge jáne taratýǵa qarsy kúrestiń negizgi baǵyttarynyń biri - aýyl sharýashylyǵy daqyldarynyń vırýsologıalyq, bakterıologıalyq jáne fıtopatologıalyq aýrýlaryn anyqtaý úshin naqty ýaqyt rejıminde polımerazdy tizbekti reaksıa ádisin paıdalana otyryp, molekýlalyq-bıologıalyq zertteýler arqyly júrgiziletin fıtosanıtarlyq baqylaý jáne monıtorıń júrgizý.
PTR-jabdyqtardy qoldana otyryp, karantındik jáne basqa da asa qaýipti obektilerdiń jasyryn zalaldanýyn anyqtaý úshin basqa memleketterden ımporttalatyn egis jáne tuqym materıalynyń biregeı úlgilerin dıagnostıkalaýdy Ortalyq karantındik zerthana, Almaty aımaqtyq karantındik zerthanasy, Aqtóbe aımaqtyq karantındik zerthanasy, Saryaǵash qalasynyń shekara ótkelindegi karantındik zerthana, Shyǵys Qazaqstan aımaqtyq karantındik zerthanasy, Shymkent qalasynyń karantındik zerthanasy júrgizedi. Bul týraly almaty-akshamy.kz Aýyl sharýashylyǵy mınıstrligine silteme jasaı otyryp habarlaıdy.
2024 jyldyń basynan bastap QR ASHM AÓK MIK Respýblıkalyq ósimdikter karantıni ortalyǵynyń fılıaldarymen 36 karantındik obekt anyqtaldy.
Sarapshylar PTR ádisi bakterıalardyń nemese vırýstardyń tipti birlik jasýshalaryn anyqtaýǵa, basqa ádistermen (mıkroskopıalyq, ımmýnologıalyq, vızýaldy, jýý ádisimen) múmkin bolmaǵan jaǵdaıda aýrý qozdyrǵyshtarynyń bolýyn anyqtaýǵa múmkindik beretinin atap ótti. PTR ádisi ásirese kúltıvasıalanatyn, kúltıvasıalanbaıtyn jáne jasyryn túrde damıtyn mıkroorganızmderdiń túrlerin dıagnostıkadan ótkizý úshin tıimdi.
Búgingi tańda RÓKR bazasynda 8 PTR-amplıfıkator bar, olardyń kómegimen bakterıologıalyq, vırýsologıalyq jáne fıtopatologıalyq aýrýlardyń PTR dıagnostıkasy belsendi júrgiziledi, 2025 jylǵa deıingi kezeńde qalǵan karantındik zerthanalardy jaraqtandyrý úshin qosymsha PTR-amplıfıkatorlardy satyp alý josparlanýda.