Baıqaýdyń negizgi maqsaty – kitap oqý mádenıetin qalyptastyrý.
Jumystar kelesi jyldyń 15 qańtar-1 sáýir aralyǵynda qabyldanady, dep habarlaıdy aqshamnews.kz
Ulttyq kitap kúni merekesine oraı «Ulttyq kitap» baıqaýy jarıalandy.
Mádenıet jáne aqparat mınıstrliginiń aqparatyna sáıkes, baıqaýdyń negizgi maqsaty – kitap oqý mádenıetin qalyptastyrý, úzdik avtorlardy anyqtap, qazaq ádebıetiniń, rýhanıatynyń damýyna yqpal etý, sondaı-aq aýdarmashylardy, baspagerler men kitap dızaınerlerin qoldaý jáne yntalandyrý.
Baıqaýǵa usynylatyn jumystar 2025 jylǵy 15 qańtar-1 sáýir aralyǵynda qabyldanady.
Konkýrsqa keıingi eki jylda jaryq kórgen týyndylar qabyldanady. Qabyldaý merzimi aıaqtalǵannan keıin túsken jumystar tirkelmeıdi.
Baıqaý kelesi 10 nomınasıa boıynsha ótedi:
Balalarǵa arnalǵan úzdik kitap;
Úzdik komıks;
Non fıkshn baǵytyndaǵy úzdik kitap;
Detektıv janryndaǵy úzdik kitap;
Satıra janryndaǵy úzdik kitap;
Úzdik ılústrasıalyq kitap;
Úzdik aýdarma kitaby;
Fantasıka janryndaǵy úzdik kitap;
Úzdik baspa;
«Jyl kitaby» Gran-prı syılyǵy.
«Baıqaýǵa qatysatyn jumystardyń kórkemdik deńgeıi, til tazalyǵy, sózdik qory, ózindik stıldiń bolýy, taqyryp ózektiligi, mazmun tereńdigi, tarıhı ádildigi, óndiristik sapanyń joǵary bolýy, dızaınerlik jumystyń joǵary bolýy sıaqty krıterıılerge sáıkes kelýi kerek», -delingen mınıstrlik habarlamasynda.