2023 jylǵy 1 qyrkúıekten bastap kolej stýdentteriniń stıpendıasyn arttyrý josparlanyp otyr.
Úkimet qaýlysyna engiziletin ózgertýler jobasyna sáıkes, Ashyq NQA portalynda jarıalanǵan, dep habarlaıdy Almaty-akshamy.kz
Atap aıtqanda:
- tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdarynda jumysshy biliktilikteri boıynsha oqıtyn stýdentterge – 32 681 (qazir 21 787) teńge;
- tehnıkalyq jáne kásiptik (orta býyn mamandaryn daıarlaýdy kózdeıtin), orta bilimnen keıingi bilimniń bilim berý baǵdarlamalaryn iske asyratyn bilim berý uıymdarynda bilim alatyn stýdentterdiń memlekettik stıpendıasy – 31 422 (qazir 20 948) teńge stıpendıa tólenedi.
Stıpendıa mólsherin arttyrý boıynsha qarajat kólemin respýblıkalyq búdjet komısıasy qoldaǵan.
«Jalpy stıpendıa mólsherin ulǵaıtý el jastary úshin tehnıkalyq jáne kásiptik bilim berýdiń tartymdylyǵyn edáýir arttyrady, kolej stýdentteriniń áleýmettik jaǵdaıyn jaqsartady jáne tehnıkalyq jáne kásiptik bilimi bar kadrlardy daıarlaý sapasynyń artýyna áserin tıgizedi», - delingen qaýlynyń túsindirme jazbasynda.
Eske salaıyq, Prezıdenttiń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasyn iske asyrý jónindegi is-qımyl josparynda stýdentter stıpendıasynyń mólsherin 2 ese ulǵaıtý qarastyrylǵan.
Qaýly jobasy 30 naýryzǵa deıin jarıa talqylaýǵa usynylǵan.