Qyrǵyz Respýblıkasynyń Syrtqy ister mınıstrligi 18 mamyrǵa qaraǵan túni el astanasynda sheteldikterdiń qatysýymen bolǵan jappaı tóbeleske qatysty túsinikteme berdi, dep habarlaıdy almaty-akshamy.kz.
Málimdeme syrtqy saıasat vedomstvosynyń resmı saıtynda jarıalandy.
SİM habarlaǵandaı, el mılısıasy atalǵan oqıǵa týraly aqparat túsken sátten bastap "oqıǵaǵa qatysy bar sheteldik azamattardy da, Qyrǵyz Respýblıkasynyń azamattaryn da ustaý boıynsha jedel sharalar qabyldady".
"Jaǵdaı tolyǵymen kúsh qurylymdarynyń baqylaýynda boldy. Azamattardyń qaýipsizdigi men qoǵamdyq tártip qamtamasyz etildi. Oqıǵaǵa qatysýshylar arasynda aýyr zardap shekkender joq. Medısınalyq mekemelerge 15-ke jýyq azamat júgindi. Qyrǵyz Respýblıkasynyń Syrtqy ister mınıstrligine zardap shekken shetel azamattary boıynsha qandaı da bir habarlamalar túsken joq", delingen SİM málimdemesinde.
Sondaı-aq, vedomstvo BAQ pen sheteldik dıplomatıalyq ókildikterdiń ókilderin jalǵan jáne tekserilmegen aqparatty taratpaýǵa shaqyrdy.
Bul arada ashyp kórsetilmegen sheteldikter degenderi pákistandyqtar bolýy múmkin. Buǵan deıin jappaı tártipsizdikter týraly Pákistan Premer-mınıstri Shahbaz Sharıf túsinikteme bergen bolatyn. 18 mamyrǵa qaraǵan túni Bishkek polısıasy 300-ge jýyq jas jigittiń jappaı tóbelesten keıin sheteldikterden kek alý úshin kóterilýine baılanysty barlyq jeke quramdy aıaǵynan tik turǵyzdy. Mılısıa kordondar qoıyp, top adamdy tejep ustaýǵa tyrysty. QR Ulttyq qaýipsizdik komıteti Qyrǵyzstanmen shekaradaǵy jaǵdaıǵa qatysty málimdeme jasady.