Reseıdiń Nıjnıı Novgorod qalasyndaǵy Lobachevskıı ýnıversıtetiniń (NNMÝ) ǵalymdary bir preparattyń quramyna birneshe belsendi molekýlalardy biriktire aldy. Bul isik aýrýlary úshin aralas fotodınamıkalyq terapıa (FDT) jáne hımıoterapıany júrgizýge múmkindik berdi. Jańa preparat FDT qoldanylatyn teri obyry men basqa da qaterli isikterdi emdeýde ásirese tıimdi bolýy múmkin, dep habarlaıdy almaty-akshamy.kz.
«Fotosensıbılızator men hımıoterapıalyq preparattyń kombınasıasy metastazdyq isikterdi emdeýge múmkindik berýi múmkin. Qurylǵan molekýla áreketiniń joǵary selektıvtigi isik tininiń ishinde joıylatyn arnaıy baılanystyrǵyshty qoldaný arqyly júzege asyrylady», - dep baıandady ýnıversıtette.
Zertteýdiń avtory, Nıjnıı Novgorod memlekettik ýnıversıteti hımıa fakúltetiniń organıkalyq hımıa kafedrasynyń dosenti Vasılıı Otvagınniń atap ótýinshe, fotodınamıkalyq terapıaǵa arnalǵan jańa preparattardy saraptamalardyń kóptigine baılanysty naryqqa shyǵarý qıyn.
«Biz qazirdiń ózinde belgili jáne dáleldengen komponentterge negizdelgen keshen qurdyq: ol fotodızatınge uqsas kók-jasyl baldyrlardan fotosensıbılızator jáne zamanaýı hımıoterapıalyq preparat «kabozantınıb». Zertteý olardyń birigip isikpen tıimdi kúresetinin kórsetti. Biriktirilgen preparatty jasaý barysynda dárilik hımıanyń eń zamanaýı tásilderi qoldanyldy», - dep keltiredi baspasóz qyzmeti ǵalymnyń sózin.