Elimizde biryńǵaı banktik QR-dy engizý 2025 jyldyń ekinshi jartysyna josparlanyp otyr, dep habarlaıdy aqshamnews.kz.
Ulttyq tólem korporasıasynyń habarlaýynsha, bul jańa servısti engizý úshin bankterge ózderiniń aqparattyq júıelerin qaıta yńǵaılap, jetildire túsýge týra keledi. Bul úderis birshama ýaqyt pen kúsh-jigerdi qajet etpek.
Biryńǵaı QR-dyń ereksheligi – ony kez kelgen banktiń mobıldi qosymshasymen oqı berýge bolady. Nátıjesinde satýshy «qaı banktiń POS-termınalyn ornatsam eken» dep bas qatyrmaıdy.
Byltyr qarashada Ulttyq bank pen Ulttyq tólem korporasıasy bank aralyq QR-tólemderdi engizý boıynsha qanatqaqty jobany iske qosqan bolatyn.
Birinshi kezeńde oǵan Freedom Bank pen Bank RBK qosyldy. Jaqyn arada biryńǵaı QR-ǵa 7 bank qosylýǵa daıyn dep habarlaıdy LS. Olar qazirdiń ózinde tıisti kelisimshart jasasyp, ishki júıelerin testileýden ótkizip jatyr.