Oksford ýnıversıtetiniń ǵalymdary júrgizgen zertteý basqalarmen birge jıi tamaqtanatyn adamdar ózin anaǵurlym baqytty sezinetinin jáne ómirge rıza bolatynyn kórsetti.
Zertteý bıylǵy Baqyt týraly búkilálemdik baıandama úshin jasaldy. Ǵalymdar 142 elden 150 myń adamnyń málimetin taldady. Sonymen, dastarqan basynda kóppen birge as ishý adamǵa keremet ıgi áser etedi eken. Bul jasyna, jynysyna, eline qaramastan barlyq adamǵa tán jaqsy sezim. Jaqyndarymen birge túski-keshki asty birge ishetin adamdar jalǵyz ózi tamaqtanatyn adamdarǵa qaraǵanda óz ómirin birneshe balǵa joǵary baǵalaǵan. (Saýalnama boıynsha 0 – nashar ómir, 10 – keremet ómir).
Tipti adam jumyssyz bolsa da, dostarymen kezdesip, bir shynyaıaq shaı iship júrse, ózin jalǵyz sezinbeıdi deıdi zertteýshiler. Zertteýge qaraǵanda, úlken qalalardaǵy jastardyń kóbi jalǵyz tamaqtanady eken, bul ýrbanızasıaǵa, qaladaǵy qarbalas tirshilikke baılanysty bolsa kerek.
Segiz jyldan beri Baqytty ómir reıtıńi boıynsha Fınlándıa birinshi orynda. Halqymyz dastarqandy kıeli sanaıtyny tegin emes.