Osy aıda onyń jobasy qoǵam talqysyna túsedi.
Bul týraly Indýstrıa jáne ınfraqurylymdyq damý mınıstriniń mindetin atqarýshy Marat Qarabaev málim etti, dep habarlaıdy Almaty-akshamy.kz QazAqparatqa silteme jasap.
«Qurylys kodeksin ázirleý maqsatynda jumys toby qurylyp, jol kartasy bekitildi. Salalyq qaýymdastyqtar men ınstıtýttardyń qatysýymen kodekstiń alǵashqy jobasy ázirlendi. Qatysqandar qatarynda memlekettik qala qurylysy kadastry, memlekettik saraptama respýblıkalyq mekemesi, qazaq qurylys jáne sáýlet ǵylymı-zertteý jáne jobalaý ınstıtýty, Qazaqstannyń turǵyn úı komýnaldyq sharýashylyq ortalyǵynyń ókilderi bar», - dedi Marat Qarabaev Úkimet otyrysynda.
Onyń aıtýynsha, Qurylys kodeksiniń jobasy osy aıda qoǵamdyq talqyǵa shyǵarylady.
«Bıyl jyl sońyna deıin atalǵan jobany Májilistiń qaraýyna engizý josparlanyp otyr. Tutastaı alǵanda, Qurylys kodeksi 4 zańdy biriktiredi. Olar - "Sáýlet, qala qurylysy jáne qurylys qyzmeti týraly", "Turǵyn úı qurylysyndaǵy úlestik qatysý týraly", "Jeke turǵyn úı qurylysy týraly" jáne "Ákimshilik-aýmaqtyq qurylys týraly" zańdar. Osylaısha qurylys prosesiniń sıklyn josparlaýdan paıdalanýǵa deıin tolyq qamtıdy», - deıdi Indýstrıa mınıstriniń mindetin atqarýshy.