Elde ótip jatqan saılaý barysyn halyqaralyq baıqaýshylar baqylaýda.
Astana qalasyndaǵy №111 saılaý ýchaskesindegi daýys berý barysyn Táýelsizdik Memleketter Dostastyǵyna múshe elderdiń Parlamentaralyq assambleıasynyń baıqaýshylary qadaǵalap jatyr, dep habarlaıdy Almaty-akshamy.kz QazAqparatqa silteme jasap.
«Bizdiń sarapshylar saılaý prosesin retteıtin barlyq zańnamany qarady, eshqandaı zań buzýshylyq anyqtalǵan joq. Biz zańnamalyq qorytyndyny Parlamenttiń eki palatasy men Ortalyq saılaý komısıasyna aldyn ala jiberdik. Saılaýdy retteýge qatysty barlyq talap pen ereje zań aıasynda naqtylanǵan. Bizdiń baıqaýshylar Qazaqstan aýmaǵynda jáne 13 eldiń saılaý ýchaskesindegi jaǵdaıdy sońyna deıin baqylaıdy. Qorytyndy beıtarap túrde shyǵarylady. Biz onyń nátıjesin Ortalyq saılaý komısıasynyń otyrysynda jarıalaımyz», - dedi TMD-ǵa múshe memleketterdiń Parlamentaralyq assambleıasynyń halyqaralyq baıqaýshy Dmıtrıı Kobıskıı.
Búgingi saılaý barysyn TMD Parlamentaralyq assambleıasy tarapynan 67 baıqaýshy qadaǵalap jatyr.
«Onyń ishinde 15 baıqaýshy Qazaqstanda jumys isteýde. Qalǵany sheteldegi saılaý ýchaskelerinde jaǵdaıdy baqylap jatyr», - dedi TMD-ǵa múshe memleketterdiń Parlamentaralyq assambleıasynyń halyqaralyq baıqaýshy Dılrabo Mansýrı.