Oqý-aǵartý mınıstrligi ata-analardyń ótinishi boıynsha bilim berý uıymdaryna qabyldaý qaǵıdalaryna ózgerister engizdi, dep habarlaıdy Almaty-akshamy.kz
«Eger buryn birinshi synypqa qabyldaý merzimi sáýirdiń 1-inen tamyzdyń 1-ine deıin júzege asyrylsa, endi balanyń ata-anasynan nemese ózge de zańdy ókilderinen birinshi synypqa qujattardy qabyldaý bıyl sáýirdiń 1-i men tamyzdyń 31-i aralyǵynda ótedi.
Tek demalys kezinde ǵana mektepten mektepke aýysýǵa shekteý alyndy. Osylaısha, jańa erejelerge sáıkes, balalardy turǵylyqty jeri boıynsha oqý jyly ishinde mektepten mektepke aýystyrý múmkindigi bar», - delingen mınıstrlik aqparatynda.
Tehnıkalyq jáne kásiptik bilim berý uıymdaryna qabyldaý kezeńi tamyzdyń 25-i aıaqtalýyna baılanysty bilim alýshylardyń ótinishterin onynshy synypqa qabyldaý merzimi tamyzdyń 15-inen tamyzdyń 31-ine ózgertildi. Kolejge qabyldanbaǵan bilim alýshylar mekteptiń 10-11-synyptarynda oqýyn kedergisiz jalǵastyra alady.