1 qyrkúıekte 382 myńǵa jýyq bala alǵash ret mektep tabaldyryǵyn attaıdy.
Birinshi synypqa baratyndardyń 70 paıyzǵa jýyǵy memlekettik tilde oqýǵa nıet bildirdi, dep habarlaıdy Almaty-akshamy.kz QazAqparatqa silteme jasap.
Birinshi synypqa baratyn oqýshylardyń eń kóbi Almaty qalasynda, Túrkistan jáne Almaty oblystarynda tirkelgen.
Balalardy qazaq tilinde oqytatyn synyptarǵa qabyldaý boıynsha eń joǵary kórsetkish Shymkent qalasynda, Túrkistan jáne Almaty oblystarynda baıqalyp otyr.
Jańa oqý jylynda 11-synypta oqıtyndardyń sany da rekordtyq kórsetkishke jetti - 188 900 oqýshy.
Jalpy, 2023-2024 oqý jylynda mektepterde 3,9 mıllıonǵa jýyq qazaqstandyq bilim alady.
55 myń bala oqý jylyn jańa mektepte bastaıdy.
2023 jyldyń sońyna deıin jańa 132 myń oryndyq bilim berý uıymdary paıdalanýǵa beriledi dep josparlanyp otyr.
Elimizde barlyǵy 7,7 myń orta bilim berý uıymy bar.