Rahat Fest festıvali 20-21 mamyrda «Birinshi mamyr toǵany» saıabaǵynyń aýmaǵynda ótedi.
Bul – Almaty qalasynyń mańynda ornalasqan, kóli, kógaldary, samaljaılary jáne arnaıy aımaqtary bar ádemi jer.
Festıválge kún saıyn 4500-den 6500-ge deıin adam keledi dep kútilýde, dep habarlaıdy Almaty-akshamy.kz.
Qonaqtarǵa 30 meıramhana as ázirleıdi, olar túrli jeńil tamaqtar, salattar men ystyq taǵamdar usynady. Bular – kez kelgen talǵamǵa japondyq roll, meksıkalyq býrıto, steık, jylqy eti qosylǵan ramónnyń qazaqsha nusqasy jáne taǵy basqalar. Balmuzdaq pen táttiler túrjınaǵy.
Saıabaq aýmaǵynda sýsyndardyń san túrin usynatyn 15 bar jumys isteıdi. Sondaı-aq qonaqtar úshin tegin welcome-drink bolady.
Festıválde 10 hedlaıner óner kórsetedi. 20 mamyrda – Band'Eros @banderosmusic, Limba @thelimba, Hiro @h1rosima, Aıqyn @aikyn. 21 mamyrda – Pıssa @sergpizza, Ninety One @ninetyone, Qaırat Nurtas @kair_n, 101 toby @juzbir_101.
Festıváldi uıymdastyrýshylar sándi fotoaımaqtar, analarǵa arnalǵan wellness&beauty corner, ákelerge arnalǵan 21+ arnaıy aımaqtar, balalarǵa arnalǵan jaıly balalar aımaqtaryn ázirledi. Otyratyn oryndar barynsha kóp bolyp, búkil otbasyna arnalǵan vıp-samaljaılar uıymdastyrylady.
Festıvál baǵdarlamasynda baǵaly júldeler utystary bolady.
10 jasqa deıingi balalarǵa ata-analarymen kirý tegin. Ata-anasy ilesip júrmeıtin jas: 18+.
Saıabaqty kásibı kúzet qyzmeti qorǵaıdy. Aýmaqta bıodárethanalar ornatylady, is-shara kúnderi shomylýǵa qatań tyıym salynady.
«Rahat Fest – birden mynadaı birneshe qarymdy is-sharany biriktiretin alǵashqy festıvál: qýatty line-up bar mýzykalyq konsert, onda 10 hedlaıner óner kórsetedi, naǵyz aýqymdy tamaq pen sýsyn festıvali jáne demalýǵa arnalǵan yńǵaıly aımaqtary, sándi fotoaımaqtary, baǵaly júldeler utystary bolatyn jáne belsendi sharalar ótetin búkil otbasyna arnalǵan mereke. Biz qalamyzdyń eń stıldi, talantty ári sezimtal turǵyndaryn bir alańǵa jınap, kóktemdi birge shyǵaryp salyp, jazǵa daıyndalǵymyz keledi!» - deıdi Sadu Media Group jetekshisi, kóp jyldyq tájirıbesi bar ıventer Polına Ahmetova, festıváldi uıymdastyrýshy.
Rahat Fest-ke Abaı dańǵyly men Sátbaev kóshesi arasyndaǵy, Baıtursynov kóshesi boıyndaǵy kólik turaǵynan shyǵýǵa bolady.
Birinshi mamyr toǵandarynan qaıtadan qalaǵa tasymal kóligi festıváldiń basty kólik turaǵyna kireberiste kútedi.
Bıletter https://kino.kz/ saıtynda