Qarttarǵa arnap teatrda tegin kórsetilim uıymdastyryldy
Amanat partıasynyń Almaly aýdandyq fılıaly «Baqytty otbasy» jáne «Ardagerlerdi ardaqtaıyq» partıalyq jobalary aıasynda kópbalaly otbasylar men qarttarǵa arnap teatrda tegin kórsetilim uıymdastyrdy.
Abaı atyndaǵy ulttyq opera jáne balet teatrynda ótken is-sharaǵa 100-ge jýyq adam (onyń ishinde 20 kóp balaly otbasy) qatysyp, «Abaı» operasyn tamashalady. Bul bastama qarjylyq qıyndyqtarǵa baılanysty qalada ótip jatatyn túrli mádenı is-sharalarǵa jıi qatysa almaıtyndar úshin naǵyz syılyq boldy.
«Biz mádenı is-sharalardyń qoljetimdiligi barlyǵyna teń bolýy kerek bolatynyna senimdimiz. Ekonomıkalyq jáne áleýmettik qıyndyqtarǵa jıi tap bolatyn adamdardyń elimizdiń mádenı jetistikterinen lázzat alý múmkindigi bolýy erekshe mańyzdy», – deıdi aksıany uıymdastyrýshylar.
Kórsetilim jyly jáne dostyq atmosferada ótti. Kórermender qoıylymǵa dán rıza boldy. Olardyń kópshiligi mundaı bastamalar mádenıetpen tanysýǵa ǵana emes, sonymen qatar urpaqtar sabaqtastyǵyna jáne qoǵamdyq baılanysty nyǵaıtýǵa yqpal etetinin atap ótti.
Aıta ketken jón, Abaı atyndaǵy ulttyq opera jáne balet teatry 15 jyl boıy partıamen osyndaı aksıalardy ótkizýde belsendi atsalysyp keledi. Amanat partıasy mundaı is-sharalar dástúrge aınalatynyna jáne barlyq nıet bildirýshilerdi osyndaı mańyzdy bastamalarǵa qosylýǵa shaqyrady.