Qazaqstanda adam saýdasyna qarsy is-qımyl máseleleri jónindegi forým ótti.
Halyqaralyq eńbek uıymynyń málimeti boıynsha, jyl saıyn álemde 2,45 mıllıonǵa deıin adam saýdasynyń qurbanyna aınalady, dep habarlaıdy Almaty-akshamy.kz
Adam saýdasynan túsetin zańsyz paıda jylyna 33 mıllıard dollar. Esirtki men qarý birinshi orynda bolsa, adam saýdasy úshinshi oryndaǵy eń tabysty qylmystyq is áreket bolyp anyqtalǵan.
«Qazirgi ýaqytta adam saýdasy ókinishke qaraı álemdegi kóptegen eldiń eń ózekti máselesi bolyp tur. Bizdiń elimiz de bul qylmystyq faktiler tirkelgen. Adam saýdasyna qatysty elimizde shamamen 100-den asa qylmystyq is anyqtalady. Sońǵy 4 aıda 65 qylmys belili boldy» ,-deıdi QR İİM Marat Ahmetjanov.
Tirkelgen qylmystardyń ishinde qanaý maqsatynda zańsyz bas bostandyǵynan aıyrý, adam saýdasynyń 16 faktisi, kámeletke tolmaǵandar – 12, jezókshelikpen aınalysýǵa tartý – 11, onyń ishinde 3 kámeletke tolmaǵandar anyqtalǵan.
«Bul tek zardaptarmen kúresý. ÚEU-nyń málimetinshe, seksýaldyq jáne eńbek qanaý qurbandarynyń sany birneshe ese kóp. Qazaqstan adam quqyqtary jónindegi 60-tan asa kelisimniń shartty tolyq qatysýshysy. Sonymen qatar, osy saladaǵy máseleler zańdarmen, memlekettik organdardyń buıryqtarymen retteledi»,- dedi Ahmetjanov.
Osy oraıda İshki ister mınıstrligi «Adam saýdasyna qarsy kúres týraly» zań jobasyn ázirledi. Joba 6 taraýdan turady:
jańa tujyrymdamalyq apparatty engizý;
ýákiletti memlekettik organdardy qurý;
halyqaralyq yntymaqtastyq negizderi;
ÚEU rólin anyqtaý;
jábirlenýshilerdiń, sonyń ishinde kámeletke tolmaǵandardyń quqyqtary men mindetteri;
adam saýdasymen kúreste halyqaralyq tásil – 4 PI (R) tujyrymdamasy engizý.