Shara birinshi tamyzǵa deıin jalǵasady.
Qazaqstandaǵy úkimettik emes uıymdar áleýmettik jobalarǵa qatysý úshin óz usynystaryn jasap jatyr, dep habarlaıdy Almaty-akshamy.kz.
«2023 jylǵa arnalǵan áleýmettik jobalar taqyryptaryn qalyptastyrýǵa qatysty usynystardy qabyldaý 1 tamyzǵa deıin jalǵasady. ÚEU óz usynymdaryn qabyldaý Azamattyq bastamalardy qoldaý ortalyǵynyń resmı saıtynda júrgizilip jatyr»,- delingen Aqparat jáne qoǵamdyq damý mınıstrliginiń baspasóz qyzmetiniń habarlamasynda.
QR Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń birlesken jobasynyń aıasynda Ortalyqtyń resmı saıtynda azamattyq sektor men qoǵam ókilderine áleýmettik jobalar taqyryptaryn qalyptastyrýǵa qatysty óz usynystaryn engizýge múmkindik beretin «Birgemiz» kraýdsorsıngtik platformasy jumys isteýde.
Usynystar aǵymdaǵy jyldyń 1 tamyzyna deıin qabyldanady. Budan keıin halyqtyń suranysyna, memlekettik saıasattyń basymdyqtaryna, zańnamalyq jáne ózge de talaptarǵa saı usynystar egjeı-tegjeıli taldaý júrgizý maqsatynda QR Aqparat jáne qoǵamdyq damý mınıstrligine joldanatyn bolady.
Usynystardy myna silteme arqyly jiberýge bolady: https://cisc.kz/kk/15062022