Sambo kúresinen 2007-2008, 2009-2010 jyly dúnıege kelgen jasóspirimder arasynda «Sambo kúni» meıramyna arnalǵan respýblıkalyq týrnır ótti.
Taldyqorǵanda ótken dodaǵa Tájikstan, Ózbekstan, Qyrǵyzstan respýblıkasynan da balýandar kelgen. Týrnırde 200-den astam sportshy óner kórsetti, dep habarlaıdy almaty-akshamy.kz 24.kz-ke silteme jasap.
46 kelide Tájikstan balýandary qarsylas shaq keltirmeı, júldeli birinshi, ekinshi oryndy ózara bólisti. 49 kelide Qonaev qalasynyń samboshysy Bek-arys Áýezhan chempıon atandy. 53 keli salmaqta taldyqorǵandyq Eljan Serikboldyń baǵy men baby qatar shapsa, 58 kelide pavlodarlyq Ámirhan Nábı týrnır jeńimpazy boldy. Orta jáne aýyr salmaqtarda Dıas Sháripqalı, Erasyl Sultanǵalı, Sanjar Az-derov sıaqty Jetisý men Almaty oblysynyń balýandary qarsylastaryn, bet qaratpaı utty. Týrnır barysynda Armenıada ótken álem chempıonatynda elimizdiń namysyn qorǵap, qola júldeger atanyp qaıtqan Jetisý oblysynyń balýany Arnur Qýataıǵa jáne onyń jattyqtyrýshylaryna qurmet kórsetildi.
Dıas Sháripqalı, jarys jeńimpazy: -Búgingi jarystyń uıymdastyrylýy óte jaqsy bolǵan. Joǵary deńgeıde ótip jatyr. Maǵan eń qıyn bolǵan beldesý ol – fınaldyq beldesý. 2:1 esebimen uttym.
Qaırat Nurbaıuly Jetisý oblystyq sambo kúresi federasıasynyń vıse-prezıdenti: - Endi myna týrnırǵa keletin bolsaq, bul týrnır Sambo kúresine arnalǵan 85 jyldyǵyna baılanysty respýblıkalyq týrnır. Bul týrnır 1998 jyldan bastap Saryózek qalasynda ótetin. Bıyldan bastap ózimizge, Taldyqorǵan qalasyna aldyq. Qazirgi tańda sportshylardyń daıyndyǵy óte jaqsy.
