Jel turyp, jaýyn jaýyp, naızaǵaı oınaıdy.
13 sáýirde elimizdiń 11 oblysynda daýyldy eskertý jarıalandy, dep habarlaıdy Almaty-akshamy.kz "Qazgıdromet" RMK-nyń baspasóz qyzmetine silteme jasaı otyryp.
Astanada ońtústik-batystan 15-20 m/s jyldamdyqpen jel soǵady dep kútiledi.
Kúndiz Aqmola oblysynyń batysynda, soltústiginde, shyǵysynda naızaǵaı oınaıdy dep boljanady. Túnde jáne kúndiz oblystyń batysynda, soltústiginde, shyǵysynda ońtústik-batystan soqqan jeldiń ekpini 15-20 m/s quraıdy, keı tusta 25 m/s deıin jetedi. Kókshetaýda tańerteń jáne tústen keıin ońtústik-batystan soqqan jeldiń ekpini 15-20 m/s bolady dep kútiledi.
Qaraǵandy oblysynyń batysynda, soltústiginde ońtústik-batystan soqqan jeldiń ekpini - 15-20 m/s.
2024 jyldyń 13-16 sáýir aralyǵynda qar jamylǵysynyń turaqsyzdyǵy jáne qardyń kóptep túsýi, sondaı-aq Úlken jáne Kishi Almaty ózenderiniń baseınderinde kútiletin jaýyn-shashynǵa baılanysty qar kóshkininiń júrý qaýpi saqtalady. Qar kóshkininiń júrý qaýpine baılanysty qar basqan betkeılerge shyqpaýǵa keńes beriledi. Almaty oblysynyń taýlarynda abaı bolyńyzdar.
2024 jyly 12-13 sáýir aralyǵynda qatty jaýyn-shashyn boljamyna baılanysty Jetisý oblysynyń taýly aýdandary men taý bókterinde kólbeý aǵynnyń qalyptasýy jáne ózenderdegi sý deńgeıiniń kóterilýi qaýpi kútiledi, mundaıda ózen kenerinen asyp, sý tasqyny bolýy múmkin. Qaýipti mejeden asqan kezde ózenderdiń jaıylma ýchaskelerinde ornalasqan eldimekenderdi, sharýashylyq nysandary men jergilikti mańyzy bar joldardy sý basý qaýpi saqtalatyny da eskertiledi. Alakól aýdanynda soltústik-shyǵystan 15-20 m/s, túnde 23-28 m/s jyldamdyqpen jel soǵady dep kútiledi.
Kúndiz Atyraý oblysynyń soltústiginde, shyǵysynda, ortalyǵynda naızaǵaı oınaıdy. Túnde jáne tańerteń oblystyń ońtústiginde tuman bolady. Kúndiz oblystyń soltústiginde, shyǵysynda batystan, ońtústik-batystan 15-20 m/s jyldamdyqpen jel soǵady.
Batys Qazaqstan oblysynyń batysynda, soltústiginde naızaǵaı oınap, túnde jáne tańerteń oblystyń batysynda, soltústiginde tuman túsedi dep kútiledi. Oblystyń soltústiginde, shyǵysynda ońtústik-batystan soltústik-batysqa oıysa soqqan jeldiń ekpini 15-20 m/s quraıdy. Oralda ońtústik-batystan soltústik-batysqa oıysa soqqan jeldiń kúndizgi ekpini 18 m/s bolady dep kútiledi.
Túnde Soltústik Qazaqstan oblysynyń soltústiginde, shyǵysynda, ońtústiginde jańbyr jaýady, kúndiz oblystyń ońtústiginde, batysynda naızaǵaı oınaıdy dep kútiledi. Túnde jáne tańerteń oblystyń batysynda tuman túsýi yqtımal. Kúndiz jáne túnde oblystyń ońtústiginde ońtústik-batystan soqqan jeldiń ekpini 15-20 m/s, keı tusta 23 m/s deıin jetedi. Petropavlda jańbyr jaýýy yqtımal. Ońtústik-batystan kúndiz soqqan jeldiń ekpini - 15-20 m/s.
Aqtóbe oblysynyń soltústik bóliginde naızaǵaı oınaıdy dep kútiledi. Kúndiz oblystyń soltústiginde, shyǵysynda, ortalyǵynda ońtústik-batystan soqqan jeldiń ekpini 15-20 m/s quraıdy. Aqtóbede naızaǵaı oınap, ońtústik-batystan 16 m/s jyldamdyqpen jel soǵady dep boljanady.
Kúndiz Túrkistan oblysynyń taýly aýdandarynda qatty jańbyr jaýady, oblystyń ońtústiginde, taýly aýdandary men taý bókterinde naızaǵaı oınaıdy, ońtústik-batystan soqqan jeldiń naızaǵaı kezindegi ekpini 15-20 m/s quraıdy. Shymkentte de naızaǵaı oınap, ońtústik-batystan soqqan jeldiń naızaǵaı kezindegi ekpini 15-20 m/s deıin jetedi.
Qostanaı oblysynyń soltústik bóliginde jańbyr jaýyp, naızaǵaı oınaıdy dep kútiledi. Oblystyń soltústiginde tuman bolady. Oblystyń shyǵysynda, ońtústiginde ońtústik-batystan soqqan jeldiń ekpini 15-20 m/s quraıdy.
Pavlodar oblysynyń batysynda, soltústiginde, shyǵysynda túnde jaýyn-shashyn (negizinen jańbyr), tuman, kúndiz jańbyr bolady dep kútiledi. Kúndiz oblystyń batysynda, ońtústiginde ońtústik-batystan soqqan jeldiń ekpini - 15-20 m/s. Pavlodarda tańerteń jáne tústen keıin jańbyr jaýady. Ońtústik-batystan soqqan jeldiń ekpini 15-20 m/s quraıdy.