Májilis depýtaty eldegi úsh basty máseleni atady.
Májilis depýtaty Nartaı Aralbaıuly eldiń kókeıindegi áleýmettik máselerdi statısıkalyq derekterdi keltire otyryp, birneshe depýtattyq saýal joldady. Bul saýaldaryn ol sala mınıstrine joldady.
«Biraq NEET jastarynyń ózindik jumysqa qulqy joq dep aıtylady, jumyssyz jastar túsinikti, óz-ózin jumyspen qamtyǵan degenge de kúmán bar. Óıtkeni, ol taksı júrgizýshileri, Glovo jáne basqa sekildi qarapaıym kúndelikti tabys taýyp júrgen azamattar. Osyǵan súıensek, bizdiń eldegi 900 myńnan astam jas azamat jumyssyz degen derekke kelýge bolady», - dedi Nartaı Aralbaıuly.
Sonymen birge Májilis depýtaty jyl saıyn túıisetin úsh problemaǵa toqtaldy.
«Oqý jyly kelse, mektep tappaımyz, joǵary oqý oryndaryna kelsek, jataqhana tappaımyz, al oqý ornyn bitirip shyqqan jastarǵa jumys tappaımyz. Bul da bolsa, boljamdaýdyń joq ekenin bildiredi», - dedi depýtat.
«Búgin Eńbek jáne halyqty áleýmettik qorǵaý mınıstri Svetlana Qabykenqyzy Jaqypova depýtattardyń aldyna keldi. Naqty saýaldar qoıdym:
1. Jastar arasyndaǵy jumyssyzdyq. Ótirik statısıka men jelge ushqan búdjet qarjysy.2. Ońtústik Koreıaǵa jumysqa baratyn azamattarymyzǵa eńbek vızasyn berý.3. Eldegi kedeıshilik. Kedeı otbasyndaǵy balalardyń jaǵdaıy.4. Negizsiz mıllıondaǵan bonýs alatyn kvazımemlekettik kompanıa basshylary men jalaqyǵa jarymaı otyǵan jurtym týraly», - dep jazǵan Májilis depýtaty.
«Barlyq suraqqa jaýap beredi jýyrda. Jarıalaımyn. Bul problemalardy bulaı qaldyrmaımyz»! - dedi depýtat.