2020 jyl úshin jeke tulǵalardyń múlik salyǵyn tóleý merzimi 2021 jyldyń 1 qazanynda aıaqtaldy
Qazirgi ýaqytta memlekettik kirister organy bankterdiń mobıldi qosymshasy arqyly merziminde múlik salyǵyn tólemegen jeke tulǵalarǵa push-habarlama jiberý josparlaýda. 2021 jylǵy 1 qazanǵa deıin múlik salyǵyn tólemegen azamattarǵa salyq bereshegi týraly habarlama jiberildi, dep habarlaıdy Almaty-akshamy.kz
Habarlama oryndalmaǵan jáne bereshek ótelmegen jaǵdaıda, memlekettik kiris organdarymen bereshekti óndirip alý týraly salyqtyq buıryqtardy qalyptastyryp, atalǵan buıryqtar májbúrlep oryndatý úshin jeke sot oryndaýshylarynyń óńirlik palatalaryna jiberiletin bolady.
«Osyǵan baılanysty, 2020 jylǵa múlik salyǵyn tólemegen azamattardan salyqtyq bereshekterdi óteýdi suraımyz. Jeke tulǵalar salyqty «e-Salyg Azamat» jáne ekinshi deńgeıdegi banktiń mobıldik qosymshalary arqyly, elektrondyq úkimet portaly arqyly, ekinshi deńgeıdegi bankterdiń bólimshelerindegi tólem termınaldaryndaǵy qolma-qol aqsha qarajatymen, bankomattar men tólem termınaldaryndaǵy bank kartalarynyń kómegimen tóleı alady»,- dep habarlaıdy komıtet.
Komıtet málimetine súıensek, qazirgi tańda 1 mln-nan astam azamat múlik salyǵyn tólemeı júr. Olardyń jalpy qaryzy 3,4 mlrd teńge.