Oqý-aǵartý mınıstrligi men Sybaılas jemqorlyqqa qarsy is-qımyl agenttigi bir mektepti jeti jyldan asa ýaqyt basqarǵan dırektorlardy teksermek.
Bul týraly Oqý-aǵartý mınıstri Ǵanı Beısembaev Taldyqorǵanda bilim salasyndaǵy sybaılas jemqorlyqpen kúres máleleri boıynsha ótken jıynda málim etti, dep habarlaıdy Almaty-akshamy.kz.
Onyń sózinshe, mınıstrlik Antıkormen birlesip mektepke deıingi, orta, tehnıkalyq jáne kásibı bilim berý uıymdaryn qarjylandyrýdaǵy korrýpsıalyq táýekelderge saraptama júrgizip jatyr.
«Saraptamanyń aldyn ala nátıjeleri boıynsha konkýrs rásimderinde, jumysqa ornalasýda, balalardy balabaqshaǵa, mektepke qabyldaýda, sondaı-aq uıym dırektorlarynyń uzaq ýaqyt bir qyzmette otyrýynda sybaılas jemqorlyq táýekeli bar ekeni belgili boldy. Laýazymdy bir qyzmetti jeti jyldan asa ýaqyt kezeńinde atqaryp kele jatqan basshylardyń barlyǵyn tekserý týraly sheshim qabyldandy», - dedi mınıstr.
Beısembaevtyń sózinshe, mektep dırektorlaryn taǵaıyndaý rásimderiniń jarıalylyǵyn qamtamasyz etý maqsatynda mınıstrlikte joǵary bilikti muǵalimderdiń bazasy men mektep dırektorlarynyń kadrlyq rezervin qalyptastyrý qolǵa alynady.
Eske sala keteıik, jýyrda Memleket basshysy Qasym-Jomart Toqaev kadr tapshylyǵyn jeleý etip, mektepke kez kelgen adamdy jumysqa alatyn basshylardy synǵa alǵan.