Baǵa Shymkent, Jetisý jáne Almaty oblystarynda aıtarlyqtaı ósken.
Sarapshylardyń 10 qarashada jarıalaǵan esebi boıynsha, bir jyl ishinde Qazaqstandaǵy jolaýshylar poıyzynyń qyzmeti 20 paıyz qymbattaǵany anyqtaldy, dep habarlaıdy Almaty-akshamy.kz Energyprom.kz-ke silteme jasap.
Mamandar qala mańynda qatynaıtyn poıyzdardyń júrý aqysy 16,7% qymbattaǵanyn aıtty. El ishinde qatynaıtyn poıyzdyń ekinshi klasty vagonynda tasymaldaý 20,6%, kýpe vagonynda 17,8% qymbattady.
Baǵa Shymkent, Jetisý jáne Almaty oblystarynda aıtarlyqtaı ósken.
Al Aqtóbe, Batys Qazaqstan, Ulytaý jáne Pavlodar oblystarynda baǵa asa kóp óse qoımaǵany baıqaldy.
Nebári 9 aıda, zertteýshilerdiń málimetinshe, 14,7 mıllıon jolaýshy temirjol kóligi qyzmetin paıdalanǵan. Bul bir jyl burynǵy kórsetkishten 32,6 paıyz artyq.
Bir qyzyǵy, poıyz qyzmetin kóbine elorda turǵyndary paıdalanǵan. Kóliktiń bul túrin Batys Qazaqstan oblysynyń turǵyndary sırek paıdalanady eken.