Bul týraly joǵary palatanyń tóraǵasy Máýlen Áshimbaev aıtty.
Senatorlar eńbek qaýipsizdigine qatysty talaptardy kúsheıtý boıynsha zań jobasyn ázirledi, dep habarlaıdy Almaty-akshamy.kz
Senattyń búgingi otyrysynda spıker Qaraǵandy oblysynda bolǵan sońǵy apatty eske aldy. Osy másele boıynsha prezıdent tıisti tapsyrma bergen bolatyn. Onyń aıtýynsha, bıyl maýsym aıynda bir top senator eńbek qaýipsizdigin kúsheıtý boıynsha zań jobasyn ázirledi. Sonyń ishinde ınspektorlardyń quziretin arttyrý máselesi de bar. Olar jospardan tys tekseriske shyǵa alady.
«Qazir qosymsha usynystar daıyndalyp jatyr. Osy oraıda senatorlardyń túzetýin de eskerýdi suraımyz. Bárin pysyqtap, tıisti normalardy qabyldaýymyz qajet. Ondaı apattar men tragedıalar qaıtalanbaýy kerek», - dedi Áshimbaev búgingi otyrysta.