Mamandar EEB múmkindigi týraly aıtty.
Qazir elektrondy eńbek bırjasynda 106,7 myńnan astam bos jumys orny jarıalanǵan, dep habarlaıdy Almaty-akshamy.kz QazAqparatqa silteme jasap.
Ortalyq komýnıkasıalar qyzmeti alańynda QR Eńbek jáne halyqty áleýmettik qorǵaý vıse-mınıstri Oljas Ordabaev elektrondy eńbek bırjasynyń múmkindigi týraly aıtty.
Onyń málimdeýinshe, atalǵan platforma kásibı baǵdar men daǵdylardy ıgerýden bastap, jumyspen qamtý, eńbek qatynastaryn resimdeý taǵy sol sıaqty qyzmetterdiń sýpermarketine aınalǵan.
«Bıznestiń ulttyq jobalary men jeke bastamalary sheńberinde qurylatyn barlyq jumys oryndary elektrondy eńbek bırjasynda jarıalanady. Búginde platforma jumys jáne jumysshylardy izdeýdiń biryńǵaı alańyna aınaldy. Qazir elektrondy eńbek bırjasynda jumys berýshilerden 106,7 myńnan astam bos jumys orny, al jumys izdeýshilerden 134,8 myńnan astam túıindeme jarıalanǵan. Jyl basynan beri elektrondy eńbek bırjasy arqyly 445,1 myń adam jumys tapty», – dedi Oljas Ordabaev brıfıńte.