Kúdiktiler 5 mamyrǵa deıingi merzimde Ekonomıkalyq tergep-tekserý departamentiniń ákimshilik ǵımaratyna kelý qajet
Qarjylyq monıtorıń agenttigi "Azıa-Bıpek AVTO" dırektorlar keńesiniń tóraǵasy Anatolıı Balýshkınge, "Azıa AVTO" AQ bas dırektory Erık Saǵymbaevqa jáne kompanıalar tobynyń top-menedjerlerine qatysty sotqa deıingi tergeýdi jalǵastyryp jatyr, dep habarlaıdy Almaty-akshamy.kz.
Aqshalaı qarajatty A.M. Balýshkın men E. E. Saǵymbaev banktik qaryzdardy óteýden jáne búdjetke salyq tóleýden jaltarý maqsatynda jymqyrǵan. Sonymen qatar urlanǵan aqsha óndiristi 50% lokalızasıalaý shartymen avtokólik quraldaryn ónerkásiptik qurastyrý zaýytyn salýǵa arnalǵan bolatyn.
«Aqsha qarajatyn alý banktegi kepildegi taýarlardy baqylaýdaǵy kompanıalarǵa qaıta resimdeý, sondaı-aq "Azıa-Bıpek AVTO" kompanıalar tobynyń qyzmetkerlerine jalǵan syılyqaqylar berý jáne BAÁ kompanıasymen jalǵan kelisimshart jasasý arqyly júzege asyryldy. Qaýlyny jarıalaýǵa jáne qajetti tergeý áreketterin júrgizýge qatysý úshin kúdiktiler Balýshkın men Saǵymbaevqa 2023 jylǵy 5 mamyrǵa deıingi merzimde Shyǵys Qazaqstan oblysy boıynsha Ekonomıkalyq tergep-tekserý departamentiniń ákimshilik ǵımaratyna kelý qajet», - delingen QMA taratqan habarlamada.
Esterińizge sala keteıik, buǵan deıin kúdikti A.Balýshkındi a.j. 10 aqpanynda Qarjylyq monıtorıń agenttigi jaýap alý úshin shaqyrǵan bolatyn, alaıda belgilengen ýaqytta ol kelmedi jáne kelýge kedergi keltiretin sebepter týraly habarlamady.