Qyz arnaıy jol belgisi bar jerden joldy kesip ótpek bolǵan
1 mamyrda Talǵar qalasy mańyndaǵy jaıaý júrginshiler jolaǵynda 12 jasar oqýshyny kólik qaǵyp ketti. Oqys oqıǵanyń vıdeosy áleýmettik jelide paıda boldy, dep habarlaıdy Almaty-akshamy.kz.
Óńirlik polısıanyń baspasóz qyzmetinde naqtylap ótkendeı, atalǵan is boıynsha barlyq qajetti saraptamalar taǵaıyndalyp, tergeý is-sharalary qolǵa alyndy.
Vedomstvonyń málimetinshe, Toyota-ny tizgindegen 18 jastaǵy júrgizýshisi Báıterek – Talǵar tas jolymen kele jatyp, oqýshy qyzdy qaǵyp ketken.
"Aldyn ala málimetter boıynsha, kámeletke tolmaǵan qyz arnaıy jol belgisi bar jerden joldy kesip ótpek bolǵan. Jol apaty saldarynan jaıaý júrginshi túrli dene jaraqatyn alyp, Talǵar qalasyndaǵy aýrýhanaǵa jetkizildi",- dedi Almaty oblysy PD baspasóz qyzmeti.
Atalǵan fakt QR QK 345-babynyń 2-bóliginde qamtylǵan qylmystyq quqyq buzýshylyq belgileri boıynsha Talǵar aýdanynyń EQDB-da tirkelgeni de naqtylanady.
Vıdeo avtory júrgizýshiniń joǵary jyldamdyqpen joldyń qarama-qarsy betimen júıitkigenin aıtady. Sondaı-aq ol qyzdyń aıaǵy synǵanyn da jetkizdi.