Qytaıdaǵy eń aýqatty adamdardyń biri – Djek Manyń ulyna jazǵan hatynan úzindiler bereıik. «Saǵan aıtatyndarymnyń barlyǵy meniń ómir jolymda kezdesken kedergilerden alǵan sabaqtarym, sondyqtan osy sátsizdikterimdi qaıtalamaýyń úshin paıdasy bolar dep oıladym», – deıdi ol.
- Seni jaqtyrmaǵan, saǵan nashar kózqaraspen qaraǵan adamdarǵa eshqashan renjime, óıtkeni saǵan anań ekeýimizden basqa eshkim de boryshtar emes.
- Tabysqa jetken kóptegen kásipkerdiń bilimi ortasha bolǵan, biraq bul qulshyna úırenbegen adam da tabysqa jete alady degen sóz emes. Esińde bolsyn, balam, bilimiń – eshkim senen tartyp ala almaıtyn eń myqty qarýyń. Adam bilimsiz de kásip ete alady, biraq ony bilimsiz báribir damyta almaıdy.
- Qalǵan ómirimde men saǵan «meni baq» dep talap qoımaımyn, dál sol sıaqty sen kámelettik jasqa jetken soń meniń de jaýapkershiligim aıaqtalady. Ómir boıy qoǵamdyq kólikpen júresiń be, álde «Mersedes» minesiń be, qara kóje ishesiń be, álde shylqyǵan maı jalaısyń ba, ol óz qolyńda!
- Árqashan ýádege berik bol, biraq basqalarǵa bul talapty qoıa almaısyń. Basqalarǵa únemi iltıpatpen qara, biraq basqalarǵa da ózińe jaqsy kózben qara dep talap qoıa almaısyń. Sen olarǵa qalaı qarasań, olar da saǵan solaı qaraı bermeıdi. Eger osy aqıqatty jete túsine almasań, ómir jolyńda keleńsizdikterge ushyraı beresiń.
- Ómir bir-aq ret beriledi. Sondyqtan týystaryńdy, janashyr jaqyndaryńdy qadirleı bil. Ekeýimiz de máńgi birge bola almaımyz, qara kóz jumylǵan soń eshqashan qaýysha almaımyz.
Nur JAMAL.