Talapkerlerdiń 65%-y shekti bal jınady
Jalpy testileýge qatysýǵa 105 myńǵa jýyq ótinish kelip tústi, onyń jartysynan kóbi UBT tapsyryp úlgerdi. Test tapsyrǵandardyń 74,2%-y qazaq tilin, 25,6%-y orys tilin, 0,2%-y aǵylshyn tilin tańdaǵan, dep habarlaıdy Almaty-akshamy.kz.
Ulttyq testileý ortalyǵynyń málimetinshe, talapkerlerdiń 65%-y shekti bal jınady.
Ortasha bal 65 baldy qurady, eń joǵary bal – 134.28 qatysýshynyń nátıjesi 130 baldan asty.
Testileýge qatysýǵa 105 myńǵa jýyq ótinish kelip tústi, onyń jartysynan kóbi UBT tapsyryp úlgerdi. 74,2%-y qazaq tilinde, 25,6%-y orys tilinde, 2%-y aǵylshyn tilinde testileýden ótti.
Naýryz aıyndaǵy UBT-ǵa erekshe bilim berýdi qajet etetin 130 bala qatysty. 2022 jyldan bastap erekshe qajettilikteri bar túlekterge testileý tapsyrmalaryn oryndaý úshin negizgi 240 mınýttan bólek, taǵy qosymsha 40 mınýt ýaqyt beriledi.
«Eń kóp tańdalǵan beıindik pánder kombınasıalary ózgermedi. Olar: «Matematıka-Fızıka» (25%), «Hımıa-Bıologıa» (17%). Eń az tańdalatyn kombınasıa «Hımıa-Fızıka» (0,13%). Bul pánderdi tapsyryp «Hımıalyq ınjenerıa jáne prosester» bilim berý baǵdarlamasyn tańdaýǵa bolady»,-delingen habarlamada.
63 adam - smartfondardy, shpargalkalardy jáne basqa da tyıym salynǵan zattardy alyp ótý áreketi saldarynan testileýden ótý múmkindiginen aıyryldy.135 adam - testileý kezinde erejelerdi buzǵany úshin aýdıtorıadan shyǵaryldy, olardyń nátıjeleri joıyldy.
Testilenýshiler telefondardy, qulaqqaptardy, smart-saǵattardy, shpargalkalardy jáne kálkýlátorlardy alyp kirmekshi bolǵan. Kálkýlátor, Mendeleev jáne tuzdardyń erigishtik kesteleri kompúterge júktelgendigin qaıtadan esterińizge sala keteıin.