Koronavırýsqa qarsy PTR testi anyqtamasyn talap etý Bas memlekettik sanıtarıalyq dárigeriniń qaýlysyna sáıkes 2020 jylǵy qazannan bastap qoldanylady
QR Premer-Mınıstriniń orynbasary Eraly Toǵjanov eldegi karantın talaptarynyń ózgerýine qatysty jaıtty túsindirip berdi, dep habarlaıdy Almaty-akshamy.kz QazAqparatqa silteme jasap.
«Qazaqstan Respýblıkasy Konstıtýsıasynyń 29-babyna sáıkes azamattardyń densaýlyǵyn saqtaýǵa quqyǵy bar. Ushý aldynda COVID-19 qarsy PTR testiniń teris nátıjesi bar anyqtamany usyný talaby «omıkron» shtamy nusqasynyń taralýyna jáne onyń joǵary juqpaly bolýyna baılanysty, jolaýshylar áleýmettik qashyqtyqty saqtamaı, jabyq keńistikte uzaq ushý kezinde ınfeksıany boldyrmaý maqsatynda engizilip otyr», - dep jazdy Eraly Toǵjanov depýtattyq saýalǵa bergen jaýabynda.
Onyń aıtýynsha, atalǵan ádis - álemdik tájirıbe. Koronavırýsqa qarsy PTR testi anyqtamasyn talap etý Qazaqstan Respýblıkasynyń bas memlekettik sanıtarıalyq dárigeriniń qaýlysyna sáıkes 2020 jylǵy qazannan bastap qoldanylady.
«Memlekettik shekaradan ótý kezinde koronavırýstyq ınfeksıa aýrýlarynyń aldyn alý jónindegi sharalardy odan ári kúsheıtý týraly 2020 jylǵy 2 qazandaǵy koronavırýstyq ınfeksıany taratpaýǵa baǵyttalǵan qabyldanǵan sharalar, onyń ishinde shekaradan ótý kezinde PTR ádisimen COVID-19 testiniń teris nátıjesi bar anyqtamany usyný boıynsha talap eldegi epıdemıologıalyq jaǵdaıdy 1 aı ishinde turaqtandyrýǵa múmkindik bergenin, al basqa elderde koronavırýsty «omıkron» shtamynyń órshýi bar jaǵdaıdy turaqtandyrýǵa múmkindik bergenin atap ótken jón ınfeksıa shamamen 2-3 aıǵa sozyldy», - dedi Premer-Mınıstrdiń orynbasary.
Onyń aıtýynsha, qazir elimizde koronavırýstyq ınfeksıa boıynsha epıdemıologıalyq jaǵdaıdyń turaqtanýy, ambýlatorıalyq jáne stasıonarlyq naýqastar sanynyń azaıýy, ınfeksıalyq jáne reanımasıalyq tósekter qamtylýynyń 8%-ǵa deıin qysqarýy baıqalady.
Osyǵan baılanysty bıyl 17 aqpanda el aýmaǵynda koronavırýstyq ınfeksıanyń paıda bolýy men taralýyna jol bermeý jónindegi vedomstvoaralyq komısıanyń otyrysynda koronavırýstyq ınfeksıanyń paıda bolýy men taralýyna jol bermeý kelesi tulǵalar úshin PTR ádisimen COVID-19 testiniń teris nátıjesiniń talabyn alyp tastaý týraly sheshim shyqty:
- eger vaksınanyń ekinshi komponentti alǵannan keıin QR shekarasyn kesip ótý sátinde 6 aıdan aspasa, qujattyq rastaýdy usyný kezinde Qazaqstan Respýblıkasynda revaksınasıa nemese COVID-19-ǵa qarsy vaksınasıalaýdyń tolyq kýrsyn alǵandar;
- Qazaqstan Respýblıkasynyń bas memlekettik sanıtarlyq dárigeriniń qaýlysyna sáıkes Qazaqstan Respýblıkasynyń aýmaǵynda jaramdy dep tanylǵan, COVID19-ǵa qarsy vaksınasıa týraly pasport/sertıfıkat / anyqtama usynǵandar.