Buryn tek aıyppul salynatyn.
Endi bir jylǵa júrgizýshi kýáliginen aıyrylý qaýpi bar, dep habarlaıdy Almaty-akshamy.kz
Parlament Májilisi Ákimshilik quqyqbuzýshylyq týraly kodekske baılanys máseleleri boıynsha ózgerister men tolyqtyrýlar engizý týraly zań jobasyn ekinshi oqylymda maquldady. Qujatta avtokólik júrgizýshilerine jazany qatańdatý normasy kózdelgen.
Zań jobasy Prezıdent tapsyrmasyn iske asyrý úshin ákimshilik jaýapkershilikti kózdeı otyryp, baılanys jáne ınternet salasynda tutynýshylardyń quqyǵyn qorǵaý maqsatynda ázirlendi.
Zańnama jáne sot-quqyqtyq reforma komıtetiniń múshesi Názılá Razzaqtyń aıtýynsha, usynylyp otyrǵan mańyzdy túzetýlerdiń biri avtokólikterdiń memlekettik nómirine qatysty.
«Avtokólikti qaıtalap nemese birneshe ret memlekettik nómirsiz basqarǵany úshin, sondaı-aq avtokólikterge jalǵan nemese qoldan jasalǵan memlekettik nómir taqqany úshin jaýapkershilikti kúsheıtý kózdelip otyr. Mysaly, buryn tek aıyppul salynsa, endi júrgizýshini 1 jylǵa kýáliginen aıyrý jáne 5 táýlikke qamaýǵa alý qarastyrylyp otyr», dedi depýtat.
Sondaı-aq baılanys qyzmetterin kórsetý erejelerin buzǵany úshin, ıaǵnı ınternet sapasyna qoıylatyn belgilengen talaptarǵa sáıkes kelmeý boıynsha aıyppul somasy ulǵaıady.